Búgin Shymkentte «Taza Qazaqstan» respýblıkalyq ekologııalyq akııasy uıymdastyrylýda. Oǵan qalanyń soltústik aýmaǵynda ornalasqan Asar shaǵyn aýdanynynyń turǵyndary da belsendilik tanyttyp, Memleket basshysynyń «Taza Qazaqstan» ıdeıasyn qoldaıtyndyqtaryn kórsetti.
Asar shaǵyn aýdany qalanyń shetki aýmaqtarynyń biri. Munda turǵyndar úshin 2 demalys aımaǵy jáne kóshelerde sándik aǵashtar men gúlzarlar arnaıy mekeme qyzmetkerleriniń kúndelikti qadaǵalaýynda.
Ekologııalyq mádenıetti qalyptastyrý men halyqtyń tabıǵatqa degen súıispenshiligin oıatý maqsatynda uıymdastyrylǵan sharaǵa 200-den asa Asarlyq turǵyndar arnaıy memkeme qyzmetkerlerimen qosylyp shaǵyn aýdandaǵy ortalyq alleıanyń jáne kóshe boıyn tazalap, turǵyndardy tazalyq mádenıetin saqtaýǵa shaqyrdy.
«Osyndaı qoǵamdyq is-sharalarǵa búkil otbasymyzben birge qatysyp, aýlalardyń tazalyǵyna, qalamyzdyń tazalyǵyna únemi atsalysyp kelemiz. Ózimizben birge nemerelerdi de tazalyqqa baýlýdamyz. Óskeleń urpaqqa ónegeli úlgi kórsetý árbir ata-ájeniń mindeti, búgin de eki nemeremmen birge tazalyq akııasyna qatysyp otyrmyz» deıdi búgingi is sharaǵa nemerelerimen birge qatysqan Asarlyq turǵyn Ulbosyn Aıtqulova.
Turǵyndar alleıadaǵy gúlderdiń aram shópterin otady, aǵashtardy butap, túpterin áktedi.
Memleket basshysynyń bastamasymen sáýir aıynan bastap Asar shaǵyn aýdanynda birneshe ret tazalyq akııasy uıymdastyryldy. Oǵan turǵyndar belsendi qatysyp keledi. Bul akııanyń maqsaty tek tazalyq jumystaryn júrgizý ǵana emes, turǵyndardyń tazalyq mádenıetin de nasıhattaý.
Biz aýdandyq ardagerler keńesi ár is sharada osyny nasıhattap kelemiz deıdi aýdandyq ardagerler keńesiniń tóraǵasy Ulyqpan Bashenov.
Qala – ortaq úıimiz. Sondyqtan, onyń kórkeıip, gúldenýine árbir turǵyn beı-jaı qaramaı, qoqys-qaldyqtardy kez kelgen jerge laqtyrmaı, taza ustaýǵa at salysýy qajet.
