Jaz aıy bastalǵan tusta, ózen men kólderdiń mańynda demalýshylardyń sany artady. Degenmen de kóptegen adamdar TJD qyzmetkerleriniń eskertýine mán bermı, belgilenbegen oryndarda jazataıym oqıǵalarǵa tap bolyp jatady.
Naqtyraq aıtsaq, Shymkent qalasynyń Tótenshe jaǵdaılar departamentiniń resmı málimetine sáıkes, qala aýmaǵyndaǵy sý aıdyndarynda 5 resmı oryn belgilengen. Onyń úsheýine shomylýǵa ruqsat etilgen. Olar: «Holodılnık» jáne «Rahat Badam» demalys oryndarymen Qoshqar ata ózeniniń bastaýy. Sonymen qatar, ekeýi sport jáne týrızmǵa arnalǵan Dendrologııalyq saıabaq pen Jaılaý kóli bar.
Sondaı- aq, shomylýǵa tyıym salynǵan 13 oryn aıqyndalyp, 72 eskertý belgileri ornatylǵan. TJD qyzmetkerleri sáýir aıynan bastap, sýdaǵy qaýipsizdikti saqtaý boıynsha 195 ret reıd júrgizip, 20 952 adam qamtydy.
Qaýipsizdikti kúsheıtý baǵytynda jazataıym oqıǵalardyń aldyn alý maqsatynda, adamdar kóp shoǵyrlanatyn oryndarda LED ekrandar arqyly beınerolıkter kórsetilip, turǵyndardyń mobıldi telefondaryna 112 qyzmeti arqyly kúndelikti eskertý habarlamalary jiberilýde.
Qurmetti Shymkent qalasynyń turǵyndary men qonaqtary! Sizderdi sýǵa shomylý erejeleri men qaýipsizdik sharalaryn qatań saqtaýǵa shaqyramyz! Ár adamnyń ómiri – baǵa jetpes qundylyq!
