Halyqtyń áleýmettik jaǵdaıyn kóterý maqsatynda qolǵa alynǵan keshendi sharalardyń tıimdiliginiń basty ólshemi – turǵyndar tabysynyń artýy men ómir súrý sapasynyń jaqsarýy. Bul rette Memleket basshysy ekonomıkanyń ósimin halyqtyń ómir sapasyna tikeleı áser etý qajettigin jetkizip, naqty mindetter júktegen bolatyn.
Osy oraıda Shymkent qalasynyń ekonomıkalyq kórsetkishterimen qatar jergilikti bıýdjettiń kólemi de jyldan jylǵa artyp keledi. Búgingi tańda bıýdjet kólemi 764 mlrd teńgeni qurap, sońǵy 6 jylda 5,2 esege ósti. Osyǵan oraı, ótken jyly jergilikti bıýdjetten qarjylandyrylatyn mekemelerdegi 15 myńǵa jýyq qyzmetshiniń jalaqysyna qosymsha 22 000 teńge yntalandyrý ústemeaqysy taǵaıyndalǵan bolatyn. Bıyl 1 sáýirden bastap qala ákimi Ǵabıt Syzdyqbekovtiń tapsyrmasy aıasynda ústemaqy 50 myń teńgege deıin kóterildi. Nátıjesinde, jergilikti bıýdjetten qarjylandyrylatyn mekemelerdegi eń tómengi jalaqy kólemi 140 000 teńgeden asty.
Halyqtyń turmysyn jaqsartý baǵytyndaǵy sharalar aldaǵy ýaqytta da jalǵasyn tabatyn bolady. Túsindirme jumystarynyń nátıjesinde mundaı ıgilikti bastamalar qala kásipkerleri tarapynan da qoldaý taýyp, birqatar jeke sektordaǵy jalaqy kórsetkishi de artyp keledi.
