بۇگىن شىمكەنتتە «تازا قازاقستان» رەسپۋبليكالىق ەكولوگيالىق اكتسياسى ۇيىمداستىرىلۋدا. وعان قالانىڭ سولتۇستىك اۋماعىندا ورنالاسقان اسار شاعىن اۋدانىنىنىڭ تۇرعىندارى دا بەلسەندىلىك تانىتتىپ، مەملەكەت باسشىسىنىڭ «تازا قازاقستان» يدەياسىن قولدايتىندىقتارىن كورسەتتى.
اسار شاعىن اۋدانى قالانىڭ شەتكى اۋماقتارىنىڭ ءبىرى. مۇندا تۇرعىندار ءۇشىن 2 دەمالىس ايماعى جانە كوشەلەردە ساندىك اعاشتار مەن گۇلزارلار ارنايى مەكەمە قىزمەتكەرلەرىنىڭ كۇندەلىكتى قاداعالاۋىندا.
ەكولوگيالىق مادەنيەتتى قالىپتاستىرۋ مەن حالىقتىڭ تابيعاتقا دەگەن سۇيىسپەنشىلىگىن وياتۋ ماقساتىندا ۇيىمداستىرىلعان شاراعا 200-دەن اسا اسارلىق تۇرعىندار ارنايى مەمكەمە قىزمەتكەرلەرىمەن قوسىلىپ شاعىن اۋدانداعى ورتالىق اللەيانىڭ جانە كوشە بويىن تازالاپ، تۇرعىنداردى تازالىق مادەنيەتىن ساقتاۋعا شاقىردى.
«وسىنداي قوعامدىق ءىس-شارالارعا بۇكىل وتباسىمىزبەن بىرگە قاتىسىپ، اۋلالاردىڭ تازالىعىنا، قالامىزدىڭ تازالىعىنا ۇنەمى اتسالىسىپ كەلەمىز. وزىمىزبەن بىرگە نەمەرەلەردى دە تازالىققا باۋلۋدامىز. وسكەلەڭ ۇرپاققا ونەگەلى ۇلگى كورسەتۋ ءاربىر اتا-اجەنىڭ مىندەتى، بۇگىن دە ەكى نەمەرەممەن بىرگە تازالىق اكتسياسىنا قاتىسىپ وتىرمىز» دەيدى بۇگىنگى ءىس شاراعا نەمەرەلەرىمەن بىرگە قاتىسقان اسارلىق تۇرعىن ۇلبوسىن ايتقۇلوۆا.
تۇرعىندار اللەياداعى گۇلدەردىڭ ارام شوپتەرىن وتادى، اعاشتاردى بۇتاپ، تۇپتەرىن اكتەدى.
مەملەكەت باسشىسىنىڭ باستاماسىمەن ءساۋىر ايىنان باستاپ اسار شاعىن اۋدانىندا بىرنەشە رەت تازالىق اكتسياسى ۇيىمداستىرىلدى. وعان تۇرعىندار بەلسەندى قاتىسىپ كەلەدى. بۇل اكتسيانىڭ ماقساتى تەك تازالىق جۇمىستارىن جۇرگىزۋ عانا ەمەس، تۇرعىنداردىڭ تازالىق مادەنيەتىن دە ناسيحاتتاۋ.
ءبىز اۋداندىق ارداگەرلەر كەڭەسى ءار ءىس شارادا وسىنى ناسيحاتتاپ كەلەمىز دەيدى اۋداندىق ارداگەرلەر كەڭەسىنىڭ توراعاسى ۇلىقپان باشەنوۆ.
قالا – ورتاق ءۇيىمىز. سوندىقتان، ونىڭ كوركەيىپ، گۇلدەنۋىنە ءاربىر تۇرعىن بەي-جاي قاراماي، قوقىس-قالدىقتاردى كەز كەلگەن جەرگە لاقتىرماي، تازا ۇستاۋعا ات سالىسۋى قاجەت.
