Almatylyq fotograf Atpress.kz aqparattyq portalyn sotqa berip, 3 mıllıon teńgeden astam somany óndirip aldy. Bul týraly búgin, 13 maýsymda Joǵarǵy sottyń baspasóz qyzmeti aıtty, dep habarlaıdy «Adyrna» tilshisi.
Atyraýlyq BAQ óziniń ınternet-resýrsynda fotograftyń týyndylaryn birneshe ret paıdalanyp, olardyń avtoryn kórsetpegen.
Jaýapker bul fotosýretter mańyzdy hronıkalardy qamtý úshin paıdalanylǵanyn aıtyp, buryn jarııalanǵan sýretterdiń joıylǵanyn málimdedi. Atpress.kz aqparattyq portaly avtorlyq quqyqty buzǵany úshin jazbasha keshirim surap, talap qoıýdy qanaǵattandyrýsyz qaldyrýdy surady.
Sot sýretter mańyzdy jańalyqtardy jarııalaý úshin ádeıi paıdalanylǵanyn eskerip, parasattylyq pen ádildik ólshemsharttaryna súıene otyryp, jarııalanǵan árbir sýret úshin 100 AEK kóleminde ótemaqy mólsherin belgiledi.
«Sot talap qoıýdy ishinara qanaǵattandyrdy: Atyraý-Aqparat» JShS-den Qazaqstandyq avtorlyq quqyq» RQU paıdasyna 3 mln teńgeden astam (900 AEK) ótemaqy óndirildi. Sheshim zańdy kúshine endi»,—dedi Joǵarǵy sottyń baspasóz qyzmeti.
