الماتىلىق فوتوگراف Atpress.kz اقپاراتتىق پورتالىن سوتقا بەرىپ، 3 ميلليون تەڭگەدەن استام سومانى ءوندىرىپ الدى. بۇل تۋرالى بۇگىن، 13 ماۋسىمدا جوعارعى سوتتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
اتىراۋلىق باق ءوزىنىڭ ينتەرنەت-رەسۋرسىندا فوتوگرافتىڭ تۋىندىلارىن بىرنەشە رەت پايدالانىپ، ولاردىڭ اۆتورىن كورسەتپەگەن.
جاۋاپكەر بۇل فوتوسۋرەتتەر ماڭىزدى حرونيكالاردى قامتۋ ءۇشىن پايدالانىلعانىن ايتىپ، بۇرىن جاريالانعان سۋرەتتەردىڭ جويىلعانىن مالىمدەدى. Atpress.kz اقپاراتتىق پورتالى اۆتورلىق قۇقىقتى بۇزعانى ءۇشىن جازباشا كەشىرىم سۇراپ، تالاپ قويۋدى قاناعاتتاندىرۋسىز قالدىرۋدى سۇرادى.
سوت سۋرەتتەر ماڭىزدى جاڭالىقتاردى جاريالاۋ ءۇشىن ادەيى پايدالانىلعانىن ەسكەرىپ، پاراساتتىلىق پەن ادىلدىك ولشەمشارتتارىنا سۇيەنە وتىرىپ، جاريالانعان ءاربىر سۋرەت ءۇشىن 100 اەك كولەمىندە وتەماقى مولشەرىن بەلگىلەدى.
«سوت تالاپ قويۋدى ءىشىنارا قاناعاتتاندىردى: اتىراۋ-اقپارات» جشس-دەن قازاقستاندىق اۆتورلىق قۇقىق» رقۇ پايداسىنا 3 ملن تەڭگەدەن استام (900 اەك) وتەماقى ءوندىرىلدى. شەشىم زاڭدى كۇشىنە ەندى»،—دەدى جوعارعى سوتتىڭ ءباسپاسوز قىزمەتى.
