AQSh-tyń Qazaqstandaǵy elshisi Denıel Rozenblıým el turǵyndaryna, jýrnalısterge sý tasqynyna qatysty úndeý jasap, dúnıejúzilik baspasóz kúnimen quttyqtady, dep habarlaıdy "Adyrna" ulttyq portaly.
«Osy Baspasóz bostandyǵy kúninde men Qazaqstannyń barlyq jýrnalısterine eńbekterińiz úshin alǵys aıtamyn, batyldyqtaryńyz úshin raqmet jáne qoǵamymyzǵa sanaly sheshim qabyldaýǵa kómektesý úshin sóz qudiretin paıdalanǵandaryńyz úshin alǵys aıtamyn» - dep jazylǵan vıdeoda.
Denıel Rozenblıým óz úndeýinde 2024 jyly atalmysh kún jahandyq ekologııalyq daǵdarysty kórsetýdegi jýrnalıstıkanyń róline arnalatynyn aıtady.
«Qazaqstan úshin bul daǵdarys eldiń kóp bóligine áser etken alapat sý tasqyny saldarynan dál qazirgideı jaqyn sezilgen emes. Elshiliktegi áriptesterimmen osy apattyń qurbandaryna, úılerinen, dúnıe-múlkinen jáne kásibinen aıyrylǵan myńdaǵan adam úshin qatty qaıǵyramyz», - dedi elshi.
Ol erjúrek qutqarýshylar men kórshiles elderdiń janashyrlyǵy, otandastaryna erikti túrde kómek kórsetken sansyz qazaqstandyqtardyń isine qarap shabyt alǵanyn atap ótti.
"Jýrnalısterdiń kún saıyn mańyzdy aqparatty jurtshylyq pen Úkimettiń nazaryna jetkize otyryp, ekologııalyq daǵdarysty eńserýde róli orasan. Olar sizge shyndyqty jetkizip qana qoımaı, qorshaǵan orta týraly, sonymen qatar jańalyqtar sıýjeti men máseleniń barlyq spektri boıynsha jalǵan aqparattyń taralýyn boldyrmaý úshin sóz qudiretin paıdalanady», - dep atap ótti Rozenblıým.
Onyń aıtýynsha, sóz qudireti qashan da Qazaqstannyń dala demokratııasynyń mádenı dástúrinde tereń tamyr jaıǵan mańyzdy bóligi bolyp tabylady.
"Qazaqtyń belgili ataqty aqyndary, sheshenderi sheshendigin basshylyqqa eldestirýge, mańyzdy jańalyqty jetkizýge paıdalandy. Olar qoǵamda qurmetke ıe bolyp, eńbekteri joǵary baǵalandy. Sol sııaqty biz de búginde sóz qudiretin paıdalanyp, bizdi habardar etip jáne bizge álemdi ashyp júrgen jandardyń eńbegin qurmetteýdi jáne baǵalaýdy jalǵastyrýymyz kerek», - dedi AQSh-tyń Qazaqstandaǵy elshisi.
