QR Halyq artısi, QR Memlekettik syılyǵynyń laýreaty, «Qurmet» jáne «Otan» ordenderiniń ıegeri, kompozıtor ári ánshi Eskendir Hasanǵalıevtiń ómiri men shyǵarmashylyǵyna baılanysty 100-den astam eksponat memlekettik saqtaýǵa qabyldandy.
«Eskendir Ótegenulynyń shyǵarmashylyǵy men eńbegi halyqqa tıesili. Endi qazaqstandyq estrada ańyzynyń qoljazbalary, nagradalary, fotoalbomdary, syılyqtary, kitaptary, ordenderi men medaldary Memlekettik arhıvte saqtalady, óskeleń urpaq qajet bolǵan jaǵdaıda osynda kelip, tanysa alady. Otbasymyzdyń atynan barshańyzǵa alǵys bildiremin», - dedi QR Halyq artısi Eskendir Hasanǵalıevtiń jubaıy Darıko Hasanǵalıeva.
Is-sharaǵa zııaly qaýym ókilderi, Eskendir Ótegenulynyń týystary men jaqyndary, dostary men serikteri qatysty.
«Arhıv – bul halyqtyń rýhanı baılyǵy men mádenı murasyn saqtaıtyn, bolashaq urpaqqa mıras etetin mańyzdy qurylym. Búgin Almaty qalasynyń arhıvi Eskendir Hasanǵalıevtiń jeke qorynan alynǵan baǵaly materıaldarmen tolyqtyryldy. Týǵan jerge jáne óz halqyna degen súıispenshiligin ónerimen jetkizgen kompozıtordyń shyǵarmalaryn saqtaý jáne nasıhattaý – barshamyzǵa ortaq mindet», - dedi Almaty qalasy Mádenıet basqarmasynyń basshysy Ǵanı Maılybaev.
