“Адырна” ютуб арнасы “Таразы” бағдарламасының кезекті қонағы – Қазақстан Республикасының еңбек сіңірген қайраткері, кино өнері саласының маманы, продюсер Қанат Әшірбекұлы.
Ол еліміздегі бүгінгі кинотүсірілімдерге жүйелі басқару, нақты идеология керек дейді. Қанат Әшірбайұлының пікірінше, бұл сала әзірше "қойшы көп болса, қой арам өледінің күйін кешуде".
Қазақстан тәуелсіздік алған жылдар мен КСРО кезіндегі кино өндірісін салыстырады. Продюсер "Қыз Жібек", "Атаманның ақыры", "Мәншүк туралы ән", "Менің атым Қожа" сынды биік өнер туындыларының биіктігіне жете алатын фильмдер неге жоқ?” деген сұраққа жауап іздейді.
“Бүгін неге Сұлтан Қожық, Шәкен Айманұлы, Мәжит Бегалин, Абдолла Қарсақбайұлы тағы басқа да ұлы кинорежиссерлер неге жоқ?” деген сұраққа жауап береді.
Сондай-ақ, бүгінгі кино көңіл көтеру құралы болып кеткеніне жаны ауыратынын айтады. Киноға да идеология керек. Бүгінгі "Қазақфильм" киностудиясына атақты Камал Смайыл сынды басшы керек, дейді кинопродюсер.
