Шешен елінің президенті Рамзан Қадыровтың 24 жастағы екінші қызы Хадижат Шешенстан басшысы әкімшілігі мен үкіметі жетекшісінің орынбасары болып тағайындалды, деп хабарлайды «Адырна» тілшісі.
Мемлекет басшысының айтуынша, бұл бастаманы өз әкімшілігінің жетекшісі Галас Таймасханов көтерген.
Бұған дейін Хадижат Қадырова Грозный қаласының мектепке дейінгі білім департаментін басқарды. Енді ол әлеуметтік сала бойынша жауапты болады.
Айта кетейік, өткен жылы қазан айында Қадыров қызына «әлеуметтік саланың еңбек сіңірген қайраткері» құрметті атағын берді. Сол айда Хадижаттың күйеуі, Шешенстанның бұрынғы ішкі істер министрі Адам Алхановтың ұлы Шешенстан денсаулық сақтау министрлігінің басшысы болып тағайындалды.