«Мен тіпті дастарханды көрсеткенді де онша ұнатпаймын. Біздің әртістер көбінесе «мына жерде отырмыз», «мынадай тамақ жеп жатырмыз» деп, біреу жасап берген дастарханды мақтанып көрсетеді. Жақында мен бір сіңліме ескерту жасадым. «Қара нан мен шай ішіп отырған адамдар бар. Сен оны білесің бе? Сен неге оны көрсетесің?» деп ұрсып тастадым.
…Біз Кеңес Одағының адамымыз ғой. Ол кезде өмір басқа болатын. Барлығы бір деңгейде еді. Қазір байлықтан тойынып кеткендер де бар. Ал енді әртіс ол — халықтың адамы. Ол халықпен бірге болу керек. Сондықтан артық дүниемен мақтанып, халықты ашуландыруға болмайды.
"Алматы ақшамы" газеті
