سولتۇستىك كورەيا جاڭا گيپەردىبىستىق ورتا قاشىقتىقتاعى زىمىرانعا سىناق جاساعانىن مالىمدەدى. بۇل زىمىران تىنىق مۇحيتىنداعى الىستاعى نىسانداردى كوزدەۋگە ارنالعان، دەپ حابارلايدى "ادىرنا" ۇلتتىق پورتالى.
ەلدىڭ كوشباسشىسى كيم چەن ىن يادرولىق قارۋ ارسەنالىن كەڭەيتۋدە.
سولتۇستىك كورەيانىڭ مەملەكەتتىك باق-ى بۇل تۋرالى حاباردى وڭتۇستىك كورەيا اسكەريلەرى سولتۇستىككورەيالىق زىمىراننىڭ ۇشىرىلعانىن، ونىڭ 1100 شاقىرىم قاشىقتىقتى ۇشىپ ءوتىپ، كورەيا تۇبەگى مەن جاپونيا اراسىنداعى سۋعا تۇسكەنىن مالىمدەگەن كۇننىڭ ەرتەڭىنە جاريالادى.
وتكەن جىلى سولتۇستىك كورەيا كورشىلەس ەلدەر مەن اقش-تى نىساناعا الاتىن قارۋ جۇيەلەرىن بىرنەشە رەت كورسەتتى. سوڭعى جىلدارى سولتۇستىك كورەيا ورتا قاشىقتىقتاعى زىمىرانداردىڭ ۇشۋ سىناقتارىن وتكىزىپ كەلەدى. ەگەر بۇل زىمىراندار جەتىلدىرىلسە، ولار تىنىق مۇحيتىنداعى اقش-تىڭ گۋام ارالىنداعى اسكەري ورتالىعىنا دەيىن جەتۋى مۇمكىن. سوڭعى ايلاردا پحەنيان گيپەردىبىستىق وقتۇمسىقتارى بار زىمىرانداردى سىناپ كوردى.
سولتۇستىك كورەيا 2021 جىلدان باستاپ دىبىستان بەس ەسە جىلدام ۇشاتىن گيپەردىبىستىق قارۋدى سىناقتان وتكىزۋدە. مۇنداي قارۋدىڭ جىلدامدىعى مەن مانەۆرلىك قابىلەتى ايماقتاعى زىمىرانعا قارسى قورعانىس جۇيەلەرىنەن قورعانۋعا باعىتتالعان.
