بۇگىن اقتاۋ ماڭىندا، اقشۇقىر ەلدى مەكەنىنە جاقىن تۇستا Azal Airlines اۋە كومپانياسىنا تيەسىلى جولاۋشىلار ۇشاعى قۇلادى، دەپ حابارلايدى "ادىرنا" ۇلتتىق پورتالى.
قازاقستاننىڭ كولىك مينيسترلىگى وقيعاعا قاتىستى تۇسىنىكتەمە بەردى. ۆەدومستۆو مالىمەتىنشە، اۋە كەمەسى Azerbaijan Airlines اۋە كومپانياسىنا تيەسىلى.
الدىن الا بولجام بويىنشا، ۇشاق باكۋدەن رەسەيدىڭ گروزنىي قالاسىنا باعىت العان.
وقيعا ورنىنان تۇسىرىلگەن بەينەجازبالار الەۋمەتتىك جەلىلەردە جاريالانۋدا.
توتەنشە جاعدايلار مينيسترلىگىنىڭ مالىمەتىنشە، وقيعا ورنىنا جەتكەن قۇتقارۋشىلار ءورتتى ءسوندىرۋ جۇمىستارىن باستاعان.
مينيسترلىكتىڭ مالىمەتىنشە، اپات ورنىنا تجم-نىڭ 52 جەكە قۇرام قىزمەتكەرى مەن 11 تەحنيكاسى جىبەرىلگەن.
وقيعا ورنىنا جەتكەن كەزدە اۋە كەمەسىنىڭ جانىپ جاتقاندىعى انىقتالدى. قۇتقارۋ بولىمشەلەرى ءورتتى ءسوندىرۋ جۇمىستارىن باستاپ كەتتى -دەپ مالىمدەدى تجم
ازەربايجاندىق باق مالىمەتىنشە، بورتتا 67 جولاۋشى جانە بەس ەكيپاج مۇشەسى بولعان. سونىمەن قاتار، ولار اپاتتىڭ سەبەبىن اۋە كەمەسىنىڭ قۇستارمەن سوقتىعىسۋى دەپ جازۋدا.
دەنساۋلىق ساقتاۋ ءمينيسترى اقمارال ءالنازاروۆانىڭ ايتۋىنشا ۇشاق اپاتىنان التى ادام امان قالعان.
