قازاقستاندىق شىعىستانۋشى عالىم عاليا قامباربەكوۆا يرانداعى حالىقارالىق فارابي سىيلىعىن يەلەندى، دەپ حابارلايدى "ادىرنا" ۇلتتىق پورتالى.
بۇل تۋرالى يراننىڭ قازاقستانداعى مادەني ورتالىعى حابارلاما تاراتقان.
ماراپاتتى 17 جەلتوقساندا تەگەراندا يران يسلام رەسپۋبليكاسىنىڭ پرەزيدەنتى ماسۋد پەزەشكيان سالتاناتتى تۇردە تابىستادى.
ايتا كەتەرلىگى، الەمنىڭ جەتەكشى عالىمدارى اراسىنان بۇل سىيلىق تەك تۇركيا، امەريكا جانە قازاقستان ەلدەرىنىڭ وكىلدەرىنە بۇيىردى.
عاليا قامباربەكوۆا بۇل كۇندەرى "بولاشاق" باعدارلاماسى بويىنشا فرانتسيادا، سوربوننا ۋنيۆەرسيتەتىنىڭ شىعىستانۋ ورتالىعىندا تاعىلىمدامادان وتۋدە.
يراننىڭ عىلىم، زەرتتەۋ جانە تەحنولوگيالار مينيسترلىگى جىل سايىن يسلام گۋمانيتارلىق عىلىمدارىنىڭ دامۋىنا باعىتتالعان فارابي حالىقارالىق بايقاۋىن وتكىزەدى.
سىيلىقتىڭ ماقساتى تەوريالىق جانە قولدانبالى سالالاردا ناقتىلانعان، گۋمانيتارلىق عىلىمدار سالاسىندا جۇمىس ىستەيتىن عىلىمي-زەرتتەۋ جانە ءبىلىم بەرۋ ۇيىمدارىنىڭ قولداۋىن الۋعا مۇمكىندىك بەرۋ.
يراننىڭ ەكى حالىقارالىق سىيلىعى بار. ءبىرىنشىسى - گۋمانيتارلىق عىلىمدار سالاسىنداعى فارابي حالىقارالىق سىيلىعى. ەكىنشىسى - گۋمانيتارلىق ەمەس عىلىمدار سالاسىنداعى حورەزمي حالىقارالىق سىيلىعى.
بيىل قازاقستاندىق ەكى عالىم وسى بەدەلدى سىيلىققا كانديدات اتانعان ەدى.
