شىعىس قازاقستان وبلىسىنىڭ زاڭگەرى سەرىكجان احمەتجانوۆ ۋاقىتتى وزگەرتۋ ماسەلەسى بويىنشا قازاقستان ۇكىمەتىنە قارسى سوتتا جەڭىلىپ قالدى، دەپ حابارلايدى «ادىرنا» ۇلتتىق پورتالى كازتاگ-قا سىلتەمە جاساپ.
«استانا قالاسىنىڭ ازاماتتىق ىستەر جونىندەگى اۋدانارالىق سوتى ازامات احمەتجانوۆتىڭ قر ۇكىمەتىنە قارسى №1749 قاۋلىسىن (23 قاراشا 2000 ج.) جانە وعان ەنگىزىلگەن وزگەرىستەر تۋرالى №20 قاۋلىسىن (19 قاڭتار 2024 ج.) زاڭسىز دەپ تانۋ جانە ولاردى كۇشىن جويۋ تۋرالى تالاپ ارىزى بويىنشا ءىستى قارادى»، – دەپ مالىمدەدى سوتتىڭ ءباسپاسوز قىزمەتى.
زاڭگەر داۋلى قاۋلىنىڭ 3 جانە 3-1 تارماقتارىن داۋلاعان:
3. قر اۋماعىندا بەسىنشى ۋاقىت بەلدەۋىن قولدانۋ;
3-1. 2024 جىلدىڭ 29 اقپانىنان 1 ناۋرىزىنا قاراعان ءتۇنى (00:00-دە) استانا، الماتى، شىمكەنت قالالارى مەن بىرقاتار وبلىستاردا ۋاقىتتى ءبىر ساعاتقا ارتقا شەگەرۋ تۋرالى شەشىم قابىلدانعان.
تالاپكەر بۇل شەشىمدى استرونوميالىق ۋاقىتقا سايكەس كەلمەيدى جانە ۋاقىتتى اۋىستىرۋ بويىنشا ۇكىمەتتىڭ قۇزىرەتىنىڭ شەگىنەن شىعۋى رەتىندە باعالادى.
سوت زاڭگەردىڭ تالاپتارىن قاناعاتتاندىرماۋ تۋرالى شەشىم قابىلدادى. قورىتىندىدا ۇكىمەتتىڭ بۇل قاۋلىلاردى قازاقستان كونستيتۋتسياسىنىڭ 69-بابىنا سايكەس قابىلداعانى، سونداي-اق تالاپكەردىڭ ءۇش جىلدىق تالاپ قويۋ مەرزىمىن وتكىزىپ العانى اتالىپ ءوتتى.
ەسكە سالايىق، بۇعان دەيىن سەرىكجان احمەتجانوۆ ۇكىمەتتىڭ قاۋلىسىنا قارسى شاعىم ءتۇسىرىپ، شىعىس قازاقستان وبلىسىنىڭ بىردە-ءبىر وكىلىنىڭ بۇل ماسەلە بويىنشا جۇمىس توبىنا كىرمەگەنىن مالىمدەگەنىن جازعان ەدىك. ونىڭ ايتۋىنشا، ۋاقىت بەلدەۋىنىڭ وزگەرىسى تىكەلەي اسەر ەتكەن ايماقتاردىڭ پىكىرى مۇلدە ەسكەرىلمەگەن.
