قاراعاندى وبلىسىندا بيىل اۋىل شارۋاشىلىعى تاۋارىن وندىرۋشىلەردى مەملەكەتتىك قولداۋعا 23,5 ملرد تەڭگە ءبولىندى. بۇل سۋبسيديالاۋ قاجەتتىلىگىن تولىعىمەن جابادى. سوڭعى ءۇش جىلدا فەرمەرلەر الدىندا قارىزدار مەن وتپەلى وتىنىمدەر جوق.
اۋىل شارۋاشىلىعى تاۋارىن وندىرۋشىلەر مەملەكەت باسشىسىنىڭ تاپسىرمالارىن ورىنداۋ ءۇشىن جۇرگىزىلىپ جاتقان اگرارلىق سالانى دامىتۋ جونىندەگى جۇمىستىڭ تيىمدىلىگىن اتاپ وتەدى.
- سوڭعى جىلدارى ءبىزدىڭ اگرارلىق قاۋىمداستىق ايتارلىقتاي وزگەرىستەرگە ۇشىراۋدا. بۇل رەتتە مەملەكەتتىڭ ءرولى زور. قولداۋ شارالارى بۇرىن-سوڭدى بولماعان. تەك جاقسى جۇمىس ىستەۋ كەرەك! بيىل ءبىز ەگىن ەگۋ، وڭدەۋ جانە جيناۋ پروتسەستەرىن جەدەلدەتە الدىق. ناتيجە كوپ كۇتتىرمەدى: جينالعان استىق كولەمىن ەداۋىر ارتتىرا وتىرىپ، ونىمدىلىك بويىنشا رەكوردتىق كورسەتكىشتەرگە قول جەتكىزدىك، - دەيدى الدىڭعى قاتارلى شارۋاشىلىقتاردىڭ ءبىرى "شاحتەرسكوە" جشس-ءنىڭ ديرەكتورى گەورگي پروكوپ. - بىرىڭعاي ۋاقىت بەلدەۋىنە كوشۋ دە ءوز ارتىقشىلىقتارىن بەردى. مەحانيزاتورلار دالاعا ەرتەرەك شىعا الادى. بۇل بىزگە كۇندىزگى ۋاقىتتى ءتيىمدى پايدالانۋعا جانە جاقسى جاعدايدا جۇمىس ىستەۋگە مۇمكىندىك بەرەدى. تيىسىنشە، بۇل ەڭبەك ونىمدىلىگىنە اسەر ەتەدى.
ايتا كەتۋ كەرەك، بيىل قاراعاندىلىق اگرارشىلار سوڭعى 13 جىلدا ءداندى داقىلدار مەن كارتوپتان رەكوردتىق ءونىم الدى. ال جالپى اۋىل شارۋاشىلىعى ونىمدەرىن ءوندىرۋ بويىنشا ءوڭىر ەلىمىزدە جەتىنشى ورىندا تۇر.
مال شارۋاشىلىعىندا دا وڭ ديناميكا بايقالادى. ەت جانە ءسۇت ونىمدەرىن ءوندىرۋ تۇراقتى وسۋدە.
- ەندى ءبىز تاڭعى 4-5-تەن باستاپ جۇمىس ۋاقىتىن تيىمدىرەك بولە الامىز. بۇل اسىرەسە مالدى تاماقتاندىرۋعا، جانۋارلاردى كۇتۋگە جانە قاتاڭ بەلگىلەنگەن ۋاقىتتا جاسالۋى كەرەك ۆەتەرينارلىق پروتسەدۋرالارعا قاتىستى وتە ماڭىزدى. بۇل ونىمدىلىكتى ارتتىرۋعا كومەكتەسەدى. سونىمەن قاتار، ەنەرگيا مەن كۇش جۇمساۋ ايتارلىقتاي تومەندەدى، ويتكەنى تاڭەرتەڭگى ۋاقىت الدەقايدا سالقىن. ءبىز جانۋارلارمەن جۇمىس جاساي وتىرىپ، ولار ءۇشىن ارقاشان قولايلى جاعداي قۇرۋعا تىرىسامىز، - دەپ اتاپ ءوتتى "شانس" شارۋا قوجالىعىنىڭ باسشىسى، قازاقستان فەرمەرلەر وداعىنىڭ قاراعاندى فيليالىنىڭ توراعاسى يگور جابياك.
اوك-كە ينۆەستيتسيالار ءوستى. بيىل 13,5 ملرد تەڭگەگە 18 جوبا ىسكە اسىرىلدى، تاعى 12 جوبا جەلتوقسان ايىنىڭ سوڭىنا دەيىن ىسكە قوسىلادى دەپ جوسپارلانۋدا.
قاراعاندى وبلىسىنىڭ اۋىل شارۋاشىلىعى باسقارماسى
