تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ ۇيىمداستىرۋىمەن، “جاستارمەن - ءبىر تولقىندا” اتتى اۋدان، قالانىڭ بەلسەندى جاستارىنىڭ قاتىسۋىمەن كەزدەسۋ ءوتتى.
📋 كەزدەسۋدىڭ ماقساتى - جاستاردىڭ ءوزىن-ءوزى باسقارۋ جانە كوشباسشىلىق قاسيەتتەرىن دامىتۋ، ءوز قابىلەتتەرىن دامىتۋعا، جاڭا يدەيالاردى جۇزەگە اسىرۋعا موتيۆاتسيا بەرۋ جانە تابىسقا جەتۋ جولىندا كەزدەسەتىن كەدەرگىلەردى قالاي جەڭۋگە بولاتىنىن ۇيرەتۋ. سونىمەن قاتار، ومىرلىك ماقساتتارىن انىقتاۋعا كومەكتەسۋ جانە ءوز الەۋەتتەرىن تولىق اشۋعا تۇرتكى بولۋ، ارماندارىنا جەتۋگە دەگەن سەنىمىن ارتتىرۋ كوزدەلەدى.
جاستارمەن وتكەن كەزدەسۋدە تۇركىستان وبلىستىق قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ “باق پەن قوعاممەن بايلانىس” ءبولىمىنىڭ باسشىسى اقتورە مەيىرجانۇلى مودەراتورلىق ەتتى.
🔹كەزدەسۋ سپيكەرلەرى “Daryn.online” پلاتفورماسىنىڭ تۇركىستان وبلىسى بويىنشا فيليالىنىڭ باسشىسى بايدىبەك نۇرلانۇلى، تۇركىستان وبلىسى “Jastar Ruhy” جاستار قاناتىنىڭ توراعاسى جانسەرىك باۋىرجانۇلى، تۇركىستان وبلىستىق “جاستار رەسۋرستىق ورتالىعى” كمم-ءنىڭ باسشى ورىنباسارى پەردەبەك سەرجانۇلى، رەسپۋبليكالىق “جاس سارباز” اسكەري قوزعالىسىنىڭ تۇركىستان وبلىستىق فيليالىنىڭ توراعاسى ارۋجان ماقساتقىزى وزدەرىنىڭ مازمۇندى ويلارىمەن، كاسىپكەرلىك پەن قىزمەت جولىنداعى جەتىستىكتەرىمەن، جاستارعا قاجەتتى پايدالى اقپاراتتارى، ومىرلىك تاجىريبەلەرىمەن ءبولىستى.
