قازاقستاندا جىلدامدىق رەجيمىن اسىرعان جۇرگىزۋشىلەر ءۇشىن ايىپپۇل مولشەرى ەكى ەسە ارتادى، دەپ حابارلايدى «ادىرنا» ءتىلشىسى.
3 قازاندا پرەزيدەنت قاسىم-جومارت توقاەۆ جول قوزعالىسىن ۇيىمداستىرۋعا قاتىستى ەكى زاڭعا قول قويدى. ولاردىڭ بىرىندە اكىمشىلىك قۇقىق بۇزۋشىلىق تۋرالى كودەكسكە وزگەرىستەر ەنگىزىلىپ، جۇرگىزۋشىلەرگە ارنالعان ايىپپۇلداردىڭ جاڭا مولشەرى بەكىتىلدى. بۇل ايىپپۇلدار ەكى ايدان كەيىن زاڭدى كۇشىنە ەنەدى.
ەندى زاڭ بۇزعان ازاماتتار 40 اەك مولشەرىندە ايىپپۇل تولەيتىن بولادى. بۇل 147 680 تەڭگەنى قۇرايدى. ەگەر ءبىر جىلدىڭ ىشىندە قۇقىق بۇزۋشىلىق قايتالانسا، ايىپپۇل 60 اەك-كە دەيىن ءوسىپ، 221 520 تەڭگەگە جەتەدى.
ايتا كەتەيىك، قازىرگى تاڭدا بەلگىلەنگەن جىلدامدىقتان 20 شاقىرىمعا دەيىن اسىرعان جاعدايدا 18 000 تەڭگە، ال 20-دان 40 شاقىرىمعا دەيىن 37 000 تەڭگە ايىپپۇل سالىنادى.
