قاراعاندىدا ءبىر مىڭ تەرەك ەگىلدى. ءا. بوكەيحان اتىنداعى اۋداننىڭ قازاقستاننىڭ 50 جىلدىعى ساياباعىنا پيراميدالى تەرەكتەر كوشەتى ەگىلدى. جاسىل جەلەكتەردى ەگۋ "تازا قازاقستان" رەسپۋبليكالىق اكتسياسى اياسىندا جالعاستى. قالا شەتتەرى دە نازاردان تىس قالمايدى.
اكتسيانى جۇزگە جۋىق ادام قولدادى. وندا ەرىكتىلەر، قوعام بەلسەندىلەرى، مەملەكەتتىك قىزمەتكەرلەر جانە قاراپايىم تۇرعىنداربار. ساياباقتى كوگالداندىرۋعا اتا-انالار بالالارىمەن بىرگە كەلگەن. مۇندا تۇرعىنداردىڭ وزدەرى باقىلايتىن 20 "وتباسىلىق" كوشەت پايدا بولدى.
اكتسيا بارىسىندا بالالارعا اعاشتاردى قالاي دۇرىس ەگۋ جانە كۇتۋ كەرەكتىگى ۇيرەتىلدى.
سونداي-اق تابيعاتقا قامقورلىق پەن ۇقىپتىلىق تانىتۋعا شاقىردى.
– ءبىز بارلىق تۇرعىنداردى قالامىزدى كوگاللداندىرۋعا شاقىرامىز. وسكەلەڭ ۇرپاقتى تاربيەلەۋگە ەرەكشە نازار اۋدارعىم كەلەدى. سوندىقتان اتا-انالاردى بالالارىمەن بىرگە اعاش ەگۋگە شاقىردىق. ەڭ باستىسى – جاسىل كەڭىستىككە دۇرىس كۇتىم قاجەت. ءبىز مۇنى قاداعالايتىن بولامىز، – دەدى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى باقتيار سانباەۆ.
بيىل قاراعاندى وبلىسىندا 130 مىڭنان استام اعاش ەگىلدى. ونىڭ ىشىندە مەملەكەتتىك ورمان قورى اۋماعى 90 مىڭ ۇيەڭكى، قاراعاي، قاراعاش كوشەتتەرىمەن تولىقتى.
قالالار مەن اۋىلدىق ەلدى مەكەندەردە 40 مىڭ اعاش ەگىلدى.
سونداي-اق، "تازا قازاقستان" اكتسياسى بارىسىندا وزەندەر مەن كولدەردىڭ جاعالاۋلارى مەن ارنالارى رەتكە كەلتىرىلەدى. جىل باسىنان بەرى 125 سۋ ايدىنى تازارتىلدى.
