Qazaqstanda jyldamdyq rejımin asyrǵan júrgizýshiler úshin aıyppul mólsheri eki ese artady, dep habarlaıdy «Adyrna» tilshisi.
3 qazanda prezıdent Qasym-Jomart Toqaev jol qozǵalysyn uıymdastyrýǵa qatysty eki zańǵa qol qoıdy. Olardyń birinde Ákimshilik quqyq buzýshylyq týraly kodekske ózgerister engizilip, júrgizýshilerge arnalǵan aıyppuldardyń jańa mólsheri bekitildi. Bul aıyppuldar eki aıdan keıin zańdy kúshine enedi.
Endi zań buzǵan azamattar 40 AEK mólsherinde aıyppul tóleıtin bolady. Bul 147 680 teńgeni quraıdy. Eger bir jyldyń ishinde quqyq buzýshylyq qaıtalansa, aıyppul 60 AEK-ke deıin ósip, 221 520 teńgege jetedi.
Aıta keteıik, qazirgi tańda belgilengen jyldamdyqtan 20 shaqyrymǵa deıin asyrǵan jaǵdaıda 18 000 teńge, al 20-dan 40 shaqyrymǵa deıin 37 000 teńge aıyppul salynady.
