تانىمال قازاقستاندىق اكتەر مۇرات بيسەنبينگە قاتەرلى ىسىك دياگنوزى قويىلعان. بۇل تۋرالى ونىڭ ارىپتەسى سايات يسەمباەۆ Instagram پاراقشاسىندا مالىمدەدى، دەپ حابارلايدى “ادىرنا” ۇلتتىق پورتالى.
يسەمباەۆ بيسەمبيننىڭ ەمىنە قاراجات كەرەك ەكەنىن ايتىپ، حالىقتان كومەك سۇراپ، وعان كومەكتەسۋ ءۇشىن بانك رەكۆيزيتتەرىن جاريالادى. وعان قازاقستاندىق ونەر جۇلدىزدارى قولداۋ كورسەتتى.
«مۇرات ونكولوگيالىق دەرتكە شالدىقتى. قازىر ەم قابىلداپ ءجۇر. ءبارى ويداعىداي بولادى، ول ءوز قالپىنا كەلەدى. قۇرمەتتى دوستار، مۇمكىندىگىنشە وعان قارجىلىق كومەك كورسەتەيىك. ءبىزدىڭ قولداۋىمىز ونىڭ ساۋىعىپ كەتۋىنە ءوز ىقپالىن تيگىزەدى. مۇرات، سەنىمەن بىرگەمىز»، – دەدى ول.
سايات يسەمباەۆتىڭ ۇندەۋىنەن كەيىن، بيسەنبينگە وزگە ارىپتەستەرى دە قولداۋ كورسەتە باستادى. ولاردىڭ ىشىندە اكتەر ارتۋر تولەپوۆ، تاۋەكەل ءمۇسىلىم، ءانشى بۇركىت، بلوگەر سەرىكجان تىلەۋلەسوۆ جانە باسقالار بار.
ايتا كەتەيىك، 51 جاستاعى مۇرات بيسەنبين 2000-شى جىلداردىڭ باسىندا رەجيسسەر اقان ساتاەۆتىڭ دەبيۋتتىك «رەكەتير» كريمينالدىق دراماسىنداعى رۋسلان رولىمەن تانىمال بولعان.
