بقو پوليتسيا دەپارتامەنتىندە ينتەرنەت-الاياقتىقپەن كۇرەس قازاقستان رەسپۋبليكاسى ىشكى ىستەر ءمينيسترىنىڭ 2022 جىلعى 5 جەلتوقسانداعى №938 بۇيرىعىمەن بەكىتىلگەن «2023-2025 جىلدارعا ارنالعان كيبەر قىلمىسقا، ونىڭ ىشىندە تەلەفون الاياقتىعى جانە ينتەرنەت-الاياقتىققا قارسى ءىس-قيمىل» باعدارلاماسى نەگىزىندە جۇزەگە اسىرىلادى. وتكەن جىلى 19 مامىردا ازاماتتاردىڭ ينتەرنەت-الاياقتىق فاكتىلەرى بويىنشا ارىز-شاعىمدارىنا جەدەل تۇردە دەن قويۋ ءۇشىن ورال قالالىق پب جانىندا كيبەرقىلمىسقا قارسى ءىس-قيمىل جاسايتىن «Cyberpol» توبى قۇرىلدى. توپ قۇرامىنا 4 تەرگەۋشى، 3 جەدەل ۋاكىل جانە 1 كريميناليست ەنگىزىلدى. اتالمىش توپتىڭ اتقارعان جۇمىستارىنىڭ ناتيجەسى تۋرالى بقو پد كريمينالدىق پوليتسيا باسقارماسى باستىعىنىڭ ورىنباسارى، پوليتسيا پودپولكوۆنيگى ارتۋر مۇساعاليەۆتەن بىلگەن ەدىك.
ارتۋر عايساۇلىنىڭ ايتۋىنشا، اتالعان ءبولىنىستىڭ قىزمەتكەرلەرى قارجىلىق جانە تەحنيكالىق جاعىنان ساۋاتتىلىقتارىن ارتتىرۋ ماقساتىندا ءىىم جوعارعى وقۋ ورىندارىنان دايارلىق كۋرستارىنان وتكەن. «Cyberpol» توبىنا قىلمىستى اشۋ ماقساتىندا جەدەل-ىزدەستىرۋ ءىس-شارالارىن جۇرگىزۋ ءۇشىن زاماناۋي اقپاراتتىق-باعدارلامالىق كەشەندەر الىنعان.
– ينتەرنەت-الاياقتىقپەن بايلانىستى قىلمىستاردىڭ بانك جۇيەسىنە تىكەلەي قاتىسى بار ەكەنىن ەسكەرە وتىرىپ، وبلىس اۋماعىنداعى ەكىنشى دەڭگەيلى بانك باسشىلىعىمەن كەزدەسۋ وتكىزىلىپ، مەموراندۋمعا قول قويىلدى، سونداي-اق بايلانىس وپەراتورلارى اراسىندا جانە قارجى نارىعىن رەتتەۋ جانە دامىتۋ اگەنتتىگىنىڭ بقو بويىنشا باسقارماسىمەن ءوزارا ءىس-قيمىل جاسالۋدا. ازاماتتاردىڭ ۋاقىتىن ۇنەمدەۋ ماقساتىندا «Cyberpol» توبىندا سەنىم تەلەفوندارى ىسكە قوسىلدى (92-19-06, 8-771-249-57-59). اعىمداعى جىلدىڭ بەس ايىندا 159 ينتەرنەت-الاياقتىق قىلمىسى تىركەلدى، بۇل وتكەن جىلمەن سالىستىرعاندا 18 فاكتىگە نەمەسە 10,2 پايىزعا تومەن. تىركەلگەن قىلمىستاردىڭ 43-ءى، ياعني 27,0 پايىزى اشىلدى. سوتقا دەيىنگى تەرگەپ-تەكسەرۋ بارىسىندا الاياقتىق فاكتىلەر كەزىندە پايدالانىلعان دوپپەرلەردىڭ 59 بانكتىك ەسەپشوتتارى (33 714 166 تەڭگە بۇعاتتالدى) جانە الاياقتار قوڭىراۋ شالعان 392 ۇيالى تەلەفون نومىرلەرى بۇعاتتالدى، – دەيدى ارتۋر مۇساعاليەۆ.
«Cyberpol» توبى قۇرىلعاننان بەرى بىرنەشە قىلمىستىق ىستەر اشىلعان. ولاردىڭ ىشىندە ەپيزودتىق بىرنەشە ىستەر بار. اتاپ ايتقاندا 2023 جىلى قىركۇيەك ايىندا جۇمىسقا ورنالاسۋ سىلتاۋىمەن الاياقتىق جاساعان قىزىلوردا وبلىسىنىڭ تۇرعىنى «ت» ەسىمدى ازاماتشا ۇستالىپ، وعان قاتىستى 8 ەپيزودتىق قىلمىستىق ءىس وتكەن جىلى سوتقا جولدانعان. وتكەن جىلى قازان ايىندا وزدەرىن «بانك قىزمەتكەرىمىز» دەپ تانىستىرىپ الاياقتىق جاسايتىن قىلمىسكەرلەردىڭ سىبايلاسى «ر» ەسىمدى رەسەي ازاماتى ۇستالىپ، وعان قاتىستى 8 ەپيزودتىق قىلمىستىق ءىس اعىمداعى جىلى سوتقا جولدانعان (كەلتىرىلگەن شىگىن 23 133 500تگ.). سول جىلى جەلتوقسان ايىندا وسىعان ۇقساس قىلمىس جاساعان ورال قالاسىنىڭ تۇرعىنى «ت» ەسىمدى ازامات ۇستالىپ، وعان قاتىستى 5 ەپيزودتىق قىلمىستىق ءىستى سوتقا جولداۋ جوسپارلانۋدا (كەلتىرىلگەن شىگىن 8 210 000تگ.).
اعىمداعى جىلى پاتەردى جالعا بەرۋ سىلتاۋىمەن «krisha.kz» قوسىمشاسىندا جالعان جارناما بەرىپ، الاياقتىق جاساعان ورال قالاسى تۇرعىنى «م» ەسىمدى ازامات (كەلتىرىلگەن شىگىن 170 000تگ.) جانە جۇمىسقا ورنالاسۋ سىلتاۋىمەن الاياقتىق جاساعان «و» ەسىمدى ماڭعىستاۋ وبلىسىنىڭ تۋماسى (كەلتىرىلگەن شىگىن 1 200 000تگ.) ۇستالعان. ولارعا قاتىستى 5 جانە 3 ەپيزودتى قىلمىستىق ىستەر تاياۋ ۋاقىتتا سوتقا جولداۋ جوسپارلانۋدا.
اعىمداعى جىلدىڭ 5 ايىنىڭ قورىتىندىسى بويىنشا وبلىس تۇرعىندارىنا ينتەرنەت-الاياقتار تاراپىنان 211 097 052 تگ شىعىن كەلتىرىلىپ، ونىڭ 28 262 212 تەڭگەسى جابىرلەنۋشىلەرگە قايتارىلعان.
سونىمەن قاتار توپ قىزمەتكەرلەرى جابىرلەنۋشىلەردىڭ شىعىندارىن قازاقستان رەسپۋبليكاسى ازاماتتىق كودەكسىنىڭ 953-بابىنىڭ (نەگiزسiز بايلىقتى قايتارۋ مiندەتi) نەگىزىندە دروپپەرلەردەن قايتارۋ جۇمىسىن ۇيىمداستىرۋدا. ەسەپتىك كەزەڭدە دروپپەرلەردەن 15 389 535 تەڭگە سوت شەشىمى ارقىلى ءوندىرىلدى.
جالپى تىركەلگەن 159 ينتەرنەت-الاياقتىق فاكتىلەرىنىڭ 27-ءسى زەينەتكەرلەر، 13-ءى مۇعالىمدەرگە، 13-ءى دارىگەرلەرگە، 14-ءى باسقا مەملەكەتتىك قىزمەتكەرلەرگە، 25 -ءى جۇمىسسىزدارعا جانە 67-ءسى جەكە كاسىپتە جۇرگەن تۇلعالارعا قاتىستى جاسالعان.
قازىرگى ۋاقىتتا الاياقتىقتىڭ ەڭ كوپ تارالعان تۇرلەرى بۇل بانك قىزمەتكەرى بولىپ تانىستىرۋ. سالا مامانىنىڭ ايتۋىنشا، بۇل باعىتتا 119 فاكتى تىركەلگەن، تانىمال قوسىمشالاردان تاۋارلار ساتىپ الۋ - 15 فاكتى، ينۆەستيتسيا – 3 فاكتى جانە تاعىدا باسقا 22 فاكتى تىركەلىپتى.
اعىمداعى جىلى 2 مارتە «AntiFraud» رەسپۋبليكالىق جانە «Stop-ينتەرنەت الاياقتىق» وبلىستىق ءجپىش وتكىزىلىپ، ءىس-شارا بارىسىندا 29 قىلمىس اشىلعان.
ينتەرنەت-الاياقتىق قىلمىسپەن كۇرەسۋدىڭ ەڭ ءتيىمدى شارانىڭ ءبىرى – پروفيلاكتيكا. بۇل باعىتتا پوليتسيا قىزمەتكەرلەرى تۇراقتى نەگىزدە تەلەارنالار جانە ينتەرنەت پلاتفورمالار ارقىلى ءتۇسىندىرۋ جۇمىستارىن جۇرگىزۋدە، 20 مىڭنان استام ينتەرنەت-الاياقتىقتىڭ الدىن الۋ ماقساتىنداعى پاراقشالار تاراتىلدى جانە پروفيلاكتيكالىق جۇمىستى نىعايتۋ ماقساتىندا «Ciberpolice_zko» پاراقشاسى اشىلىپ، 220-عا جۋىق اقپارات جاريالاندى.
بەس ايدىڭ قورىتىندىسى بويىنشا 61 مىڭنان استام تۇرعىنعا پروفيلاكتيكالىق تۇسىندىرمە جۇمىستارى جۇرگىزىلدى، «ەGOV» سايتى ارقىلى ەرىكتى تۇردە 21 مىڭنان استام تۇلعانىڭ شوتتارى بۇعاتتالدى. سونىمەن قاتار وبلىسىمىزدا مۇعالىم جانە دارىگەرلەرگە قاتىستى الاياقتىق فاكتىلەردىڭ جيىلەپ تىركەلۋىنە بايلانىستى بارلىق 8 مىڭنان استام دارىگەرگە جانە 16 مىڭنان استام مۇعالىمگە ينتەرنەت-الاياقتىققا قاتىستى الدىن الۋ جۇمىستارى تولىعىمەن جۇرگىزىلدى.
اعىمداعى جىلى ينتەرنەت-الاياقتىق فاكتىلەرىنە جول بەرمەۋ ماقساتىندا اتالعان سۇراق اكىمدىك جانىنداعى ۆەدومستۆوارالىق كوميسسيادا جانە باسقادا كەڭەستەردە تالقىلانۋدا.
بۇعان قوسىمشا، پوليتسيا دەپارتامەنتىنىڭ جەكە قۇرامى كۇن سايىن ينتەرنەت-الاياقتىققا قارسى ءىس-قيمىل ماسەلەلەرى بويىنشا حالىق اراسىندا پروفيلاكتيكالىق جانە ءتۇسىندىرۋ، اتاپ ايتقاندا پروفيلاكتيكالىق جارنامالار مەن اۋديو-بەينەروليكتەردى ساۋدا ۇيلەرىندە، سۋپەرماركەتتەردە جانە باسقا دا كوعامدىق ورىنداردا ءىلىنىپ، سونداي-اق پروفيلاكتيكالىق اقپاراتتى مەسسەندجەرلەردەگى «ءۇي چاتتارىندا» تاراتۋ جۇمىستارىن جۇرگىزۋدە. ينتەرنەت-الاياقتىق جاساۋدىڭ كەڭ تارالعان، سونداي-اق جاڭا تاسىلدەرىن جاريا ەتە وتىرىپ، پروفيلاكتيكالىق سيپاتتاعى تاقىرىپتىق بەينەروليكتەر دايىندالۋدا، اۋديتوريانى قامتۋدى كەڭەيتۋ جانە اقپاراتتىق-پروفيلاكتيكالىق جۇمىستى كەڭەيتۋ ماقساتىندا بۇل جۇمىسقا وبلىسىمىزدىڭ تانىمال بلوگەرلەر، اكتەرلەر، سپورتشىلار جانە باسقا دا تانىمال تۇلعالار، ەرىكتىلەر تارتىلۋدا.
بۇل باعىتتاعى جۇمىس ءارى قاراي ءوز جالعاسىن تابۋدا.
كاۋسار بايعاليەۆا
