حالقىمىزدىڭ ەشكىمنەن ۇيالمايتىن تاريحى مەن مادەنيەتى، رۋحانياتى، سالت-ءداستۇر، ىرىم-تىيىمدارىنا سۇيەنە وتىرىپ، اقادىر اۋىلىنىڭ جالپىورتا ءبىلىم بەرەتىن مەكتەپ اۋماعىندا وسىمەن ەكى جىل قاتارىنان ءىشى داستۇرگە ساي بەزەندىرىلگەن كيىز ءۇي قۇرىلىپ، ەتنواۋىل جاساپ، ۇلتتىق كۇندىلىقتارىمىزدى ناسيحاتتاۋ ماقساتىندا ءتول مادەنيەتىمىزدى جاڭعىرتۋ باعىتى كوزدەلدى. جاز ايلارى باستالىسىمەن بارلىق ءبىلىم بەرۋ مەكەمەلەرى جانىنان جازعى تىنىعۋ لاگەرى اشىلادى. بۇل - وقۋشىلاردىڭ دەمالىس ۋاقىتىن ءتيىمدى ءارى قىزىقتى وتكىزۋدىڭ بىردەن-ءبىر جولى. ەتنولاگەردىڭ اشىلۋىنا جانە ءبىر كۇندىك لاگەر جۇمىسىن كورۋ ءۇشىن قوناقتارىمىز اۋداندىق بب باسشىسى كەنجەبولاتوۆا دينارا شايمەردەنقىزى مەن اۋدان اكىمىنىڭ ورىنباسارى جۋسۋپوۆ قانات امانتايۇلى كەلىپ ەرەكشە ىقىلاستارىن ءبىلدىرىپ، لاگەردىڭ جۇمىسىنا العىستارىن ايتتى.
ەتنولاگەر جۇمىسىن باستاماس بۇرىن، الدىمەن ونىڭ سىرتقى كورىنىسىن ەرەكشە بەزەندىرۋدى جوسپارلادىق. ەتنولاگرگە مەكتەپ قابىرعاسىنداعى بارلىق وقۋشىلار قامتىلىپ، ەكى اۋسىممەن جۇمىس جاسادى. «شىن شەبەرگە شارشى الاڭدا تۇساۋ جوق» دەمەكشى، لاگەردىڭ العاشقى كۇندەرىنەن – اق ونەرلى وقۋشىلارىمىز جۇرگەن جەرلەرىن انمەن ارلەپ، بي بيلەپ دۋمانداتتى. تالاپتى دا تالانتتى بالالاردىڭ قالىپتاسقان داعدىلارىن ءارى قاراي شىڭداۋ ماقساتىندا ساباق كەستەسى دە سوعان ساي قۇرىلدى. بالالاردىڭ ءار ۋاقىتى قۇندى ءارى جۇيەلى ءوتۋ ماقساتىندا كۇندەلىكتى كۇن ءتارتىبى بەكىتىلدى. تاڭەرتەڭ تاڭعى جاتتىعۋدان باستاپ، ءتۇرلى ساباقتارعا، ۇيىرمەلەرگە قاتىستى. ەتنولاگەردەگى بارماعىنان بال تامعان شەبەردىڭ بارلىعى – مەكتەبىمىزدىڭ مۇعالىمدەرى مەن اتا-انالار. وقۋشىلارىمىزعا تۇرمىستىق قاجەتتىلىككە بايلانىستى مەكتەپ اۋلاسىنا كيىز ءۇي تىگىلىپ، التى باقان، بەس اسىق ۇلتتىق ويىندارى، ۇلتتىق تاعامدارىمىز ەت اسۋ،قىمىز، باۋرساق ءپىسىرۋ، ماي بۇلعاۋ، قۇرت جاساۋ سياقتى قازاقى ۇمىت قالعان اتا داستۇرلەردى جاڭعىرتۋ ماقساتىنداعى اتا-اجەلەردىڭ قۇراق قۇراۋ، ۇرشىق ءيىرۋ، شي توقۋ بارىسىنداعى رۋحاني-تاربيەلىك ءمانى بار داستۇرلەر كورسەتىپ، جازعى لاگەردىڭ ماقسات - مىندەتىن ايقىندادى.
ال تاۋەلسىزدىك العان سوڭ ومىرگە كەلگەندەر قازاقى تۇرمىستىڭ شەت جاعاسىن كوردى دەسەك، بۇگىنگى ۇرپاق، اسىرەسە قالا مەن قالا ماڭىنداعى اۋىل بالالارى ۇلتتىق جاۋھارلاردى كينولار مەن كورمەلەردەن كورىپ ءجۇر. ۇلتىنىڭ جادىگەرلەرىنەن جاتىرقاپ جۇرگەن جەتكىنشەكتەر جوق، اباي ايتقانداي، «كورسەم، بىلسەم، ۇيرەنسەم» دەپ قۇلشىنىپ-اق تۇر. بابا ونەرىن مەڭگەرىپ، ۇلتتىق ويىنىن ويناپ، دومبىرامەن ءان سالىپ، قىمىز ءىشىپ شاتتانىپ جۇرگەن جەتكىنشەكتەردىڭ نەبارى جيىرما كۇندە ەتنولاگەر كوزدى اشىپ جۇمعانشا وتە شىقتى. مۇنداي تانىمدىق جۇمىس كەزىندە وقۋشىلار شاپشاڭ سويلەۋدى ۇيرەنەدى، وقۋ جىلدامدىعىن دامىتادى، قاتارلاستارىمەن بىرگە توپتىق جۇمىس ىستەۋگە دە بەيىمدەلەدى. بالانى ەڭبەككە باۋلۋ جانە ءوز ۇلتىنىڭ داستۇرىمەن، تاريحىمەن سۋسىنداتىپ شىعارۋدى شامشىراق ەتىپ العا قاراي بەتتەگەن مەكتەپ ۇجىمىنىڭ ەڭبەگى ۇشان-تەڭىز.
«جاستايىنان ۇيرەتسەڭ تاسقا ويعان تاڭباداي، قارتايعاندا ۇيرەتسەڭ سۋعا قۇيعان اق سۇتتەي» دەگەن ءسوز بار عوي. سوندىقتان باستاۋىش سىنىپ وقۋشىلارىنان باستاپ قولونەرمىزدى دارىپتەپ جاتساق – ەڭبەگىمىزدىڭ زايا كەتپەگەنى.
