اقمولا وبلىسىنىڭ بارلىق دەڭگەيدەگى اكىمدەرىنىڭ فورۋمىندا سانيتاريالىق تازالاۋ جانە اباتتاندىرۋ ماسەلەلەرى كوتەرىلدى.
«وبلىستىڭ كوپتەگەن اۋىلدىق ەلدى مەكەندەرىندە سىرتقى كەلبەتى، اباتتاندىرۋ دەڭگەيى جانە ءومىر ءسۇرۋ جاعدايلارى بويىنشا كوپتەگەن تۇيتكىل ماسەلەلەر بار»، - دەپ اتاپ ءوتتى مارات احمەتجانوۆ.
مىسال رەتىندە ءوڭىر باسشىسى قوقىسقا «باتىپ كەتكەن» ەرەيمەنتاۋ قالاسىن كەلتىردى.
تۇرعىنداردىڭ بىرنەشە شاعىمدارى مەن وبلىس اكىمىنىڭ جەكە ارالاسۋىنان كەيىن عانا ماسەلە شەشىلدى. مۇنداي پروبلەمالار بارلىق جەردە كەزدەسەدى.
«مەملەكەت باسشىسى بۇل ماسەلەنىڭ ماڭىزدىلىعىن «ادال ادام – ادال ەڭبەك – ادال تابىس» ۇلتتىق قۇرىلتايىندا اتاپ وتكەن كەزدە: «اباتتاندىرۋ جانە سانيتاريالىق تازالاۋ ماسەلەلەرىندە كوپتەگەن پروبلەمالار بار. قولدانىلعان شارالارعا قاراماستان، جىل سايىن ەلدى مەكەندەردە جاڭا رۇقسات ەتىلمەگەن پوليگوندار ورىن الۋدا. اكىمدەر قۇقىق بۇزۋشىلاردى اكىمشىلىك جازالارعا (ايىپپۇلدارعا) تارتۋى كەرەك، ول ءۇشىن سىزدەردە زاڭ دەڭگەيىندە وكىلەتتىك بار»، - دەدى م.احمەتجانوۆ.
