Әуежайда ерлік көрсеткен Мұса Әбдірайым Бүкіләлемдік бокс кеңесінің (WBC) елшісі болып тағайындалды, деп хабарлайды "Адырна" ұлттық порталы.
Бұл туралы WBC ұйымының президенті Хосе Сулейман өзінің әлеуметтік желідегі парақшасында мәлімдеді.
Хосе Сулейман Мұса Әбдірайыммен телефон арқылы сөйлесіп, оның ерлігін жоғары бағалады.
Сонымен қатар, оны ресми түрде WBC-тің бейбітшілік елшісі деп жариялады.
"Мен онымен қатар тұрғанымды мақтан тұтамын. Ол – тек спорт үшін ғана емес, бүкіл адамзат үшін нағыз батыр!" – деді ұйым басшысы.
