Ақтөбе облысында ірі қарадан «қарасан» ауруы табылды, деп хабарлайды “Адырна” ұлттық порталы “Астана” телеарнасына сілтеп.
Мәлімет бойынша, осыған байланысты Ойыл ауданының Көптоғай ауылында карантин жарияланды. Шаруа қожалығында төрт ірі қарадан осы қауіпті ауру табылған. Бұл жұқпалы дерт көбіне төрт жасқа дейінгі жас малдың шалдығады екен.
Сиырлардың саны қарайып кеткен. Сынама алынып, арнайы зертханалық тексерістен кейін жұқпалы "қарасан" ауруы екенін анықтаған. Қазіргі таңда екі жүзден астам малға вакцина салынып, дезинфекция жүргізілген.
“Ірі қараның Қарасан ауруы расталды. Бүгінгі күнге «Мәтжан» шаруа қожалығына Көптоғай ауылдық округы әкімінің шешімімен карантин жарияланды. Бүгінгі күнге эмфизематорияға қарсы отряд мемлекеттік мекемесі сауықтыру шараларын жүргізуде”, дейді облыстық ветеринарлық басқармасы басшысының орынбасары Бердімұрат Бижанов.
