Атырауда тәрбиеші балабақшада баланы тепкені үшін жұмыстан шығарылды, деп хабарлайды "Адырна" ұлттық порталы AtyrauPress-ке сілтеме жасап.
Әлеуметтік желілерде әйелдің ұл баланы аяғымен тепкен сәті түсірілген бейнежазба пайда болды.
Оқиға "Зейнеп-Әмина" жеке балабақшасында болған. Бейнежазба авторының айтуынша, бұл балабақшада мұндай жағдай бірінші рет болып отырған жоқ.
Мекеме басшылығының айтуынша, тәртіп бұзушылық анықталғаннан кейін тәрбиеші еңбек заңнамасына сәйкес дереу жұмыстан шығарылған.
Қазіргі уақытта құқық қорғау органдары болған оқиғаның барлық мән-жайын анықтау үшін тексеру жүргізіп жатыр.
