АҚШ президенті Джо Байден өз қызметі аяқталғанға дейін американдықтарға екі рет жолдау жасауды жоспарлап отыр, деп хабарлайды "Адырна" ұлттық порталы NBC News телеарнасына сілтеме жасап.
"Президент Байден қызметінен кетер алдында, мемлекеттік аппаратта 50 жылдан астам уақыт бойы қызмет еткеннен кейін, өз мұрасындағы негізгі бағыттарды айқындау мақсатында екі ірі жолдау жасауды жоспарлап отыр", – делінген материалда.
Телеарна мәліметінше, бірінші жолдау сыртқы саясатқа арналады. Байден оны Италияға жасаған сапарынан оралған соң, 12 қаңтарда аяқталатын сапардан кейін жасамақ.
Бұдан кейін Ақ үйдің қазіргі басшысы АҚШ тұрғындарына қоштасу жолдауын жасайды деп хабарлады журналистер.
