Абай облысында Ертіс өзенінінің жағасындағы жарыс кезінде жардан автокөлік құлап кеткен. Бұл туралы өңірдің полиция департаментінің баспасөз қызметі мәлімдеді, деп хабарлайды "Адырна" ұлттық порталы.
Алдын ала мәлімет бойынша, көліктің ішінде төрт адам болған.
"Бүгін таңғы сағат 06:00-де Полковничий аралында, Бүркіт ұясы ауданы маңында жеңіл автокөліктің жардан Ертіс өзеніне құлап кеткені туралы хабар түсті. Алдын ала анықталған мәліметке сәйкес, көліктің ішінде төрт адам болған", – деп хабарлады полиция қызметкерлері.
Оқиға орнынан Семей қалалық полиция басқармасы басшысының орынбасары Жандарбек Ахметжанов ақпарат берді. Оның айтуынша, қазіргі уақытта іздестіру-құтқару жұмыстары жүргізіліп, оқиғаның мән-жайы анықталып жатыр.
Полиция қауіпті жарыстарды өткізуге болмайтынын еске салды.
