«Қазақ Магниткасының» жаңа инвесторы Qarmet компаниясы, бұрын «АрселорМиттал Теміртау» басқарған кезде кәсіпорында әрекет еткен қылмыстық құрылымдарды жою жұмысын соңына дейін жеткізуді жоспарлап отыр, деп хабарлайды "Адырна" ұлттық порталы ҚазТАГ агенттігіне сілтеме жасап.
«Жаңа инвестор ең алдымен шахтерлер мен металлургтерді көп жылдар бойы кәсіпорында әрекет еткен қылмыстық желіден қорғауға басты назар аударады. Әрине, комбинат пен оның ұжымын тонауға үйреніп қалғандар, заң мен тәртіп орнатылғанын қаламайды. Шахтерлердің жақсы тұрмысы, комбинаттың табысты болуы, ел мақтанышы, ТМД-дағы көшбасшы болу оларға қажет емес. Олар басқа жолдармен ақша тапқан. Олар үшін жеке мүдде қоғамдық және мемлекеттік мүддеден жоғары. Әрине, ескі жүйенің өкілдері бұл өзгерістерді бұрмалап, жалған ақпарат таратып, көпшілікті адастыруға тырысады», – деп мәлімдеді Qarmet.
«Qarmet» акционерлік қоғамының бас директоры Вадим Басиннің айтуынша, қылмыстық топтар түрлі әдістерге жүгінеді.
«Өкінішке орай, ұрлық жасау құқығын қорғаудың көптеген жолдары бар. Бірақ ең көп қолданатын әдіс – қоғамдық пікірмен манипуляция жасау. Олар өздерін қолдайтын адамдарды тартуға тырысып, барлық ресурстарды пайдаланады. Бірақ, әрдайым кімнің не үшін күресіп жатқаны анық көрінеді. Қазіргі кезде олар өз әрекеттерімен тек қана өздерінің ұрлық жасап жатқандарын көрсетіп отыр. Олардың позициялары Qarmet-те де, елде де әлсірей береді. Өйткені олар адал және заңды түрде жұмыс істеуді қаламайды, тек қылмыстық схемаларға жүгінеді», – деді Басин.
Қазір қылмыстық құрылымдардан тазарту жұмысынан бөлек, барлық қылмыскерлерді сотқа тартып, жазалау міндеті тұр. Бұған қоса, бұрын жабылған қылмыстар, соның ішінде 90-шы және 2000-шы жылдардағы кәсіпорын қызметкерлерінің жоғалуына қатысты тергеулер қайта жүргізілмек. Жалпы алғанда, президент Қасым-Жомарт Тоқаевтың ұйымдасқан қылмыстық топтармен күрес жөніндегі тапсырмасына сәйкес, құқық қорғау органдары қылмыстық белсенділікті айтарлықтай төмендетуге қол жеткізді. Қылмыс деңгейі азайып, «жиналыстар» мен «стрелкалар» болмағаны көрінеді.
«Мен әрқашан ашық және тікелей айтуды жақсы көремін – біз ұжыммен көп жылдан бері адал жұмыс істеп келеміз. Адамдар не істелгенін, қалай істелгенін, қауіпсіздік пен модернизацияға қанша қаражат жұмсалғанын көреді. Олар болашақтарын біздің жалпы кәсіпорнымызда көреді. Бүгін біз бір команда ретінде жұмыс істеп, ортақ міндеттерді бірге шешіп, өз еліміз бен азаматтарымыз алдындағы жауапкершілікті сезінеміз. Мұның бәрі жұмыс орындарын көбейтуге, экономикаға және біздің бөлімшелеріміз орналасқан өңірлердің инфрақұрылымына үлес қосуға мүмкіндік береді. Қиын мұра ретінде алған цехтар мен шахталардың жағдайын өз көзімен көргендер бізде әлі көп жұмыс бар екенін түсінеді. Бірақ біз бұған дайынбыз, біз жүйелі түрде алға жылжып келеміз», – деп қорытындылады Басин.
