Қазақстанда Ішкі істер министрлігі жанынан жаңа комитет құрылды. Тиісті қаулыға Премьер-Министр Олжас Бектенов қол қойды, - деп хабарлайды “Адырна” ұлттық порталы.
«Қазақстан Республикасы Ішкі істер министрлігінің жанынан Есірткі қылмысына қарсы күрес комитеті құрылсын», - делінген құжатта.
Өзгерістерге сәйкес, енді Ішкі істер министрлігіне мыналар кіреді:
- Қазақстан Ұлттық ұланының Бас қолбасшылығы;
- Қылмыстық-атқару жүйесі комитеті;
- Әкімшілік полиция комитеті;
- Көші-қон қызметі комитеті;
- Есірткі қылмысына қарсы күрес комитеті.
Қаулы қол қойылған күнінен бастап, яғни 2024 жылғы 11 қыркүйектен бастап қолданысқа енгізіледі.
