Түркістанда өмірге келген үшемге Қасым, Жомарт, Кемел есімдері берілді, деп хабарлайды “Адырна” ұлттық порталы.
Түркістан облысына қарасты Келес ауданы, Абай ауылының 33 жастағы тұрғыны 7 қыздан кейін үш ұлды өмірге әкелді. Солайша әйел 10 баланың анасы атанды.
Мыңжасар отбасы ұлдарына Президенттің аты-жөнін беруді ұйғарған.
10 баланың әкесі - Бахыт Мыңжасар. Ол құрылыста жұмыс істейді. Ал анасы жұмыссыз. Балалардың атын анасы қойған.
“Есімдерін Президентіміз сияқты үлкен азамат болсын деген ырыммен Қасым, Жомарт, Кемел деп қойдық”, – деді үшемнің анасы.
