Қазақстанда атом электр станциясын салу бойынша жария талқылауларда 21 жыл бойы Үлкен ауылының әкімі болып жұмыс істеген Сабыр Рахимов МАГАТЭ комиссиясы 28 жыл бұрын дәл осы аумақта атом электр станциясын салудың тиімділігін атап өткенін еске салды.
"1996 жылы мамырда бізге МАГАТЭ комиссиясы келді. Халықпен кездесу барысында мен делегация басшысынан Балқаш көлінің жанында атом электр станциясын салу қаншалықты қауіпсіз екендігі туралы сұрадым. Ол маған бұл жер базальттан тұрады деп жауап берді, содан Құдайдың өзі мұнда атом электр станциясын салуды бұйырды", - деді Сабыр Рахимов.
Сонымен қатар, ол атом энергетикасын көрші Өзбекстан да дамытуға ниетті екендігіне назар аударды.
"Неге біз қарсы болуымыз керек?",- деп сұрады спикер.
