АҚШ президенттігіне үміткер Дональд Трампқа Пенсильваниядағы сайлаушылармен кездесу кезінде оқ атқан адамның суреті желіде тарап кетті, деп хабарлайды "Адырна" ұлттық порталы.
Шетелдік БАҚ дерегінше, оқ атқан 20 жастағы Томас Мэтью Крукс. Ол - Пенсильвания тұрғыны. Жас жігіт сахнадан 120 метр жерде орналасқан өндіріс мекемесінің шатырына шығып, AR қаруымен оқ атқан.
Атыс салдарынан қарапайым тұрғын көз жұмып, екі адам ауыр жарақат алған. Ал Трамптың оң жақ құлағы жарақаттанды. Кейіннен құпия қызмет мергеннің өзін де атып өлтірген.
