Бүгін 84 жасқа толды.
Өмір осы кісінікі ғой шіркін. Қазақ тарихында Назарбаев сияқты жалғанды жалпағынан басқан пенде болмаған шығар. Жоқ қой, жоқ.
Ішті, жеді, сатты, басып алды, тартып алды, еппен алды, себеппен алды - қолы жетпеген дүние жоқ.
29 жыл Қазақстанды жалғыз билеп-төстеді.
Шексіз байлық жинады: 7 ұрпағына жететін миллиардер қазір.
Жалғыз өзі ғана емес, жақындары: үш қызы, інісі, немере бауырлары да "қарияның" атын малданып білгенін қылды.
Назарбаевпен бірге қанша буын қартайды: қанша қазақ жақсы күнді көре алмай өмірден кетті? Қанша қазақ жақсы өмір сүреміз деп сенді, соны күтті, бірақ отыз жылда еш өзгеріс болған жоқ, болар еді - болғызбады.
Астана салғаны, шекараны шегендегенін айта бермеңіздер. Кез келген президент жасайтын жұмыс.
Биліктен кеткелі 5 жыл болды. Бірақ әлі де ықпалды екенін құдайдан жасыра алмаймыз. Жоғалтқан ешнәрсесі жоқ.
Қаскелеңнен осындай адам қалай туды екен, ә?
Жарас Кемелжан
