Түркиялық менеджер Альп Ер Тунга Ерсой Алматы әуежайының президенті қызметінен кетеді, деп хабарлайды “Адырна” ұлттық порталы әуежайдың баспасөз қызметіне сілтеп.
«Жоспарға сәйкес, Альп Ер Тунга Ерсой әуежайдың жаңа халықаралық терминалының құрылысы аяқталған соң Алматы халықаралық әуежайының президенті қызметінен кетеді», - делінді ресми жауапта.
Оның авиациялық мансабын жаңа рөлде жалғастыратыны көрсетілген. Басшылықтың ауысуы туралы ресми мәлімдеме бүгін яғни, 5 маусымда күтілуде.
Түрік менеджері оңтүстік астананың әуе айлағын 2021 жылдың қыркүйегінен бастап басқарды.
