Қаржылық мониторинг агенттігінің қызметкері мемлекеттік құпияны жария етті, деп хабарлайды “Адырна” ұлттық порталы ҚазТАГ-қа сілтеп.
Ол қылмысы үшін сотталды.
«Шымкент қаласының қылмыстық істер жөніндегі ауданаралық сотының үкімімен азамат К. Қазақстан Республикасы Қылмыстық кодексінің 185-бабының 3-бөлігімен (мемлекеттік құпияларды заңсыз жария ету) бес жылға бас бостандығынан айырылды», - делінген хабарламада.
Бұл туралы 4 маусым күні Бас көлік прокуратурасының баспасөз қызметі хабарлады.
