Ақмола облысының Бурабай әкімі Сабыр Жалмұқановқа әдеп кодексін бұзғаны үшін қатаң сөгіс жарияланды. Ақмола облысының прокуратурасы әкім тарапынан заңбұзушылықты анықтаған, деп хабарлайды “Адырна” ұлттық порталы.
“Бурабай ауылының әкімі мен ЖШС арасында алаңды абаттандыру бойынша мемлекеттік сатып алу туралы келісім жасалған. Келісімшарттық міндеттемелерді орындау барысында әкім кәсіпкерден сметалық құжаттамада қарастырылмаған қосымша жұмыстарды орындауды талап еткен. Өз кезегінде кәсіпкер тапсырыс берушіге тәуелді жағдайда болғандықтан, бұл жұмыстардың бір бөлігін орындауға мәжбүр болған”, – делінген хабарламада.
Сондай-ақ, әкім өз іс-әрекетімен кәсіпкерлік субъектісіне 400 мың теңге материалдық шығын келтірді.
Бурабай аудан әкімінің өкімімен Бурабай ауылының әкіміне "қатаң сөгіс" түріндегі тәртіптік жаза қолданылды.
