Búgin, 13 qańtarda Fly Arystan áýe kompanııasynyń Astana-Óskemen reısine otyrǵyzý kezinde jolaýshylardyń biri bortserikke qol jumsaǵan. Bul týraly áýe kompanııasynyń baspasóz qyzmeti aıtty, dep habarlaıdy «Adyrna» tilshisi.
47 jastaǵy er adam mas kúıinde bortseriktiń ishinen uryp jibergen.
«Oqıǵa ornyna polıııa qyzmetkerleri men kompanııanyń avıaııalyq qaýipsizdik qyzmetiniń mamandary shaqyryldy. Qujattardy tekserý barysynda destrýktıvti jolaýshy bomba bar ekenin de málimdedi. Osydan keıin áýejaıdyń kınologııalyq qyzmeti shaqyrylyp, barlyq jolaýshy ushaqtan shyǵaryldy. Sondaı-aq, bortseriktiń jaǵdaıyn tekserýden ótkizý úshin áýejaıdyń medıınalyq qyzmeti shaqyryldy»,— delingen habarlamada.
Áýe kompanııasy jedel túrde muqııat tekseris júrgizilgenin atap ótti. Baspasóz qyzmetiniń málimetinshe, ushaqtan jarylǵysh nemese basqa da tyıym salynǵan zattar tabylmaǵan.
Qazirgi tańda kúdikti ýaqytsha ustaý ızolıatorynda otyr. Onyń ústinen buzaqylyq jáne terrorızm aktisi týraly jalǵan habarlaý faktileri boıynsha qylmystyq is qozǵaldy.
