AQSh prezıdenti Donald Tramp Grenlandııany áskerı kúshpen basyp almaıdy. Bul týraly senator Djeıms Lankford «Meet the press» baǵdarlamasyna bergen suhbatynda aıtty, dep habarlaıdy «Adyrna» tilshisi.
«Amerıka Qurama Shtattarynyń basqa elge basyp kirý nıeti joq. Biz ondaı emespiz»,—dedi Lankford 12 qańtarda.
Ol AQSh-qa Grenlandııa «ekonomıkalyq qaýipsizdik» úshin qajet ekenin jetkizdi.
«Shyny kerek, prezıdent oıyn aıqyn jetkizdi. Ol — amerıkalyq áskerdi soǵystan saqtaǵan basshy. Tramp soǵys bastaýdy, amerıkalyq áskerdi keńeıtýdi kózdemeıdi, biraq eldiń ulttyq qaýipsizdigin qorǵap qalýdy qalaıdy. Al onyń bir bóligi - bizdiń ekonomıkalyq qaýipsizdigimiz ben bolashaǵymyz»,—dep tolyqtyrdy senator.
Buǵan deıin Donald Tramp Truth Social áleýmettik jelisinde Grenlandııany AQSh quramyna qosý qajettiligi týraly jazǵan edi. Sondaı-aq ol Kanadany qosý jáne Panama kanaly aýmaǵyndaǵy baqylaýdy qaıtarý qajettigi jóninde de sóz qozǵady.
