Shyǵys Qazaqstan oblysy ekologııa departamentiniń eks-basshysy Danııar Álıev para alǵany úshin sottaldy, dep habarlaıdy «Adyrna» tilshisi.
Antıkordyń baspasóz qyzmetiniń 6 qańtardaǵy málimetinshe, Óskemen qalalyq soty óńirdiń ekologııa departamentiniń basshysy Álıevke, jergilikti turǵyn Jýrkabaevqa jáne kásipker Dlıýjevskııge qatysty úkim shyǵarǵan.
«Álıev para alǵany úshin, Jýrkabaev deldaldyǵy, al Dlıýjevskıı kommerııalyq uıymǵa altyn óndirýge ekologııalyq ruqsat alý úshin 4,5 mln teńge kóleminde para bergeni úshin kináli dep tanyldy. Sot úkimimen sheneýnik – 4 jylǵa, qala turǵyny – 1 jyl 6 aıǵa, kásipker 3 jyl 6 aıǵa bas bostandyǵynan aıyryldy, buǵan qosa paıdaly qazbalardy barlaý jáne óndirý salasyndaǵy kommerııalyq uıymdarda 5 jyl merzimge basshy laýazymdardy atqarýǵa tyıym salyndy. Sonymen birge olar ómir boıy memlekettik qyzmette jáne kvazımemlekettik sektorda qyzmet atqarý quqyǵynan aıyryldy»,—delingen habarlamada.
Sot aktisi zańdy kúshine engen joq.
Eske salaıyq, Álıevtiń ustalǵany týraly aqparat 2023 jyldyń jeltoqsanynda shyqqan edi. Al 2024 jyldyń jazynda ShQO boıynsha ekologııa departamenti basshysynyń mindetin atqarýshy Mamaı Býtabaevty ustaldy.
