شىعىس قازاقستان وبلىسى ەكولوگيا دەپارتامەنتىنىڭ ەكس-باسشىسى دانيار اليەۆ پارا العانى ءۇشىن سوتتالدى، دەپ حابارلايدى «ادىرنا» ءتىلشىسى.
انتيكوردىڭ ءباسپاسوز قىزمەتىنىڭ 6 قاڭتارداعى مالىمەتىنشە، وسكەمەن قالالىق سوتى ءوڭىردىڭ ەكولوگيا دەپارتامەنتىنىڭ باسشىسى اليەۆكە، جەرگىلىكتى تۇرعىن جۋركاباەۆقا جانە كاسىپكەر دليۋجەۆسكيگە قاتىستى ۇكىم شىعارعان.
«اليەۆ پارا العانى ءۇشىن، جۋركاباەۆ دەلدالدىعى، ال دليۋجەۆسكي كوممەرتسيالىق ۇيىمعا التىن وندىرۋگە ەكولوگيالىق رۇقسات الۋ ءۇشىن 4,5 ملن تەڭگە كولەمىندە پارا بەرگەنى ءۇشىن كىنالى دەپ تانىلدى. سوت ۇكىمىمەن شەنەۋنىك – 4 جىلعا، قالا تۇرعىنى – 1 جىل 6 ايعا، كاسىپكەر 3 جىل 6 ايعا باس بوستاندىعىنان ايىرىلدى، بۇعان قوسا پايدالى قازبالاردى بارلاۋ جانە ءوندىرۋ سالاسىنداعى كوممەرتسيالىق ۇيىمداردا 5 جىل مەرزىمگە باسشى لاۋازىمداردى اتقارۋعا تىيىم سالىندى. سونىمەن بىرگە ولار ءومىر بويى مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ايىرىلدى»،—دەلىنگەن حابارلامادا.
سوت اكتىسى زاڭدى كۇشىنە ەنگەن جوق.
ەسكە سالايىق، اليەۆتىڭ ۇستالعانى تۋرالى اقپارات 2023 جىلدىڭ جەلتوقسانىندا شىققان ەدى. ال 2024 جىلدىڭ جازىندا شقو بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى ماماي بۋتاباەۆتى ۇستالدى.
