Almaty qalasynyń qylmystyq ister jónindegi mamandandyrylǵan aýdanaralyq sotyna «Merkýr Taýn» turǵyn úı kesheniniń kúzetshisin óltirý isi kelip tústi, dep habarlaıdy "Adyrna" ulttyq Press.kz-ke silteme jasap.
«Asa qatygezdikpen adam óltirý» baby boıynsha aıyptalýdan bólek, sottalýshy «adamnyń jeke ómirine qatysty aqparatty onyń kelisiminsiz taratý» babymen de aıyptalýda.
«Birinshi epızod boıynsha sottalýshy Almatydaǵy turǵyn úı keshenderiniń biriniń kúzetshisin 2024 jyldyń naýryzynda óltirdi dep aıyptalýda. Sondaı-aq, tergeý sottalýshynyń áleýmettik jeliler arqyly óziniń tanysy A-ǵa qatysty ıntımdik sıpattaǵy vıdeomaterıaldardy taratqanyn anyqtady», – delingen sot habarlamasynda.
Qazirgi ýaqytta sot otyrysy taǵaıyndalǵan joq.
Esterińizge sala keteıik, «Merkýr Taýn» turǵyn úı kesheniniń turǵynynyń kúzetshini birneshe ret jol talǵamaıtyn kólikpen basyp, keıin onyń basynan sekirgen qatygez áreketi vıdeoǵa túsip qalǵan edi. Oqıǵa naýryzdyń 28-inen 29-yna aýǵan túni bolǵan. Kúzetshi aýyr halde aýrýhanaǵa jetkizilgenimen, sol jerde kóz jumdy.
