Búgin Reseı prezıdenti Vladımır Pýtın birqatar el basshysyn Rojdestvo jáne kele jatqan jańa 2025 jylmen quttyqtady. Olardyń arasynda prezıdent Qasym-Jomart Toqaev pen eks-prezıdent Nursultan Nazarbaev ta bar. Bul týraly Kremldiń basasóz qyzmeti aıtty, dep habarlaıdy «Adyrna» tilshisi.
Pýtın quttyqtaýyn Ázerbaıjan prezıdenti Ilham Álıevten bastap, Qytaı Halyq Respýblıkasynyń tóraǵasy Sı zınpınge de joldady. Basqa da quttyqtaý alǵandar qatarynda Belarýs prezıdenti Aleksandr Lýkashenko, Túrkııa prezıdenti Rejep Taıyp Erdoǵan, Úndistan premer-mınıstri Narendra Modı, Soltústik Koreıa basshysy Kım Chen Yn, Kýba prezıdenti Mıgel Dıas-Kanel bar.
Sondaı-aq ol birqatar shetel memleketi men úkimetteriniń burynǵy basshylaryna, atap aıtqanda, Raýl Kastroǵa, Robert Kocharıanǵa, Nursultan Nazarbaevqa, Serj Sargsıanǵa, Gerhard Shrederge quttyqtaý jedelhattaryn joldady.
Eske sala keteıik, táýelsizdik kúni qarsańynda burynǵy prezıdent Nursultan Nazarbaev Reseı prezıdenti Vladımır Pýtınmen kezdesý úshin Máskeýge barǵan bolatyn.
