Albanııa bıligi TikTok áleýmettik jelisin el aýmaǵynda buǵattaıtyn boldy, dep habarlaıdy "Adyrna" ulttyq portaly Euronews-ke silteme jasap.
Bul týraly Albanııa premer-mınıstri Edı Rama málimdedi.
Saıasatker TikTok-ty balalar arasynda zorlyq-zombylyq pen qorlaýǵa ıtermeleıdi dep aıyptady.
Áleýmettik jelini buǵattaýǵa qarasha aıynyń ortasynda oryn alǵan oqıǵa sebep bolǵan. Albanııada 14 jastaǵy jasóspirimdi qurdasy óltirgen. Boljam boıynsha, bul qaıǵyly oqıǵa TikTok-ta bastalǵan janjaldan týyndaǵan.
Ata-analar men muǵalimdermen kezdesý barysynda premer-mınıstr Edı Rama TikTok-qa qoljetimdilik "tolyǵymen jáne barlyǵyna jabylady. Albanııa Respýblıkasynda TikTok bolmaıdy" dep málimdedi.
Áleýmettik jelini kelesi jyly buǵattaý josparlanyp otyr. Biraq naqty kúni áli belgisiz.
Aqparat kózderiniń málimetinshe, albandyq ata-analar balalardyń mektepke pyshaq jáne basqa da zattar alyp kelýi týraly jıi habarlanatyn oqıǵalarǵa alańdaýshylyq bildirýde. Olardyń pikirinshe, mundaı minez-qulyqqa TikTok-taǵy kontent sebep bolýda.
Aıta keteıik, TikTok áleýmettik jelisine Úndistan men Gonkongta tolyqtaı tyıym salynǵan.
