البانيا بيلىگى TikTok الەۋمەتتىك جەلىسىن ەل اۋماعىندا بۇعاتتايتىن بولدى، دەپ حابارلايدى "ادىرنا" ۇلتتىق پورتالى Euronews-كە سىلتەمە جاساپ.
بۇل تۋرالى البانيا پرەمەر-ءمينيسترى ەدي راما مالىمدەدى.
ساياساتكەر TikTok-تى بالالار اراسىندا زورلىق-زومبىلىق پەن قورلاۋعا يتەرمەلەيدى دەپ ايىپتادى.
الەۋمەتتىك جەلىنى بۇعاتتاۋعا قاراشا ايىنىڭ ورتاسىندا ورىن العان وقيعا سەبەپ بولعان. البانيادا 14 جاستاعى ءجاسوسپىرىمدى قۇرداسى ولتىرگەن. بولجام بويىنشا، بۇل قايعىلى وقيعا TikTok-تا باستالعان جانجالدان تۋىنداعان.
اتا-انالار مەن مۇعالىمدەرمەن كەزدەسۋ بارىسىندا پرەمەر-مينيستر ەدي راما TikTok-قا قولجەتىمدىلىك "تولىعىمەن جانە بارلىعىنا جابىلادى. البانيا رەسپۋبليكاسىندا TikTok بولمايدى" دەپ مالىمدەدى.
الەۋمەتتىك جەلىنى كەلەسى جىلى بۇعاتتاۋ جوسپارلانىپ وتىر. بىراق ناقتى كۇنى ءالى بەلگىسىز.
اقپارات كوزدەرىنىڭ مالىمەتىنشە، الباندىق اتا-انالار بالالاردىڭ مەكتەپكە پىشاق جانە باسقا دا زاتتار الىپ كەلۋى تۋرالى ءجيى حابارلاناتىن وقيعالارعا الاڭداۋشىلىق بىلدىرۋدە. ولاردىڭ پىكىرىنشە، مۇنداي مىنەز-قۇلىققا TikTok-تاعى كونتەنت سەبەپ بولۋدا.
ايتا كەتەيىك، TikTok الەۋمەتتىك جەلىسىنە ءۇندىستان مەن گونكونگتا تولىقتاي تىيىم سالىنعان.
