Grýzııa Premer-mınıstri Iraklıı Kobahıdze prezıdent Salome Zýrabıshvılı jańa parlamenttik saılaý ótkizý týraly sheshim qabyldap, óz qyzmetinen ketpese, oǵan qylmystyq jaýapkershilikke tartylý qaýpi tónip turǵanyn málimdedi, dep habarlaıdy "Adyrna" ulttyq portaly.
Brıfıngte sóılegen sózinde premer-mınıstr el konstıtýııasyna sáıkes Zýrabıshvılıdiń prezıdenttik ókilettiginiń merzimi 2024 jylǵy 29 jeltoqsanda aıaqtalatynyn eske saldy.
"Keıbir eýropalyq saıasatkerler men laýazymdy tulǵalar 29 jeltoqsanǵa deıin kóp nárse ózgerýi múmkin deıdi. Biraq men sizderge aıtaıyn, eshqandaı úlken ózgeris bolmaıdy. Radıkaldy oppozıııa Grýzııada jeńiske jete almaıdy, al 29 jeltoqsanda Zýrabıshvılı óz qyzmetin bosatýǵa májbúr bolady," – dedi Kobahıdze.
Sondaı-aq, ol qazirgi prezıdenttiń Qylmystyq kodeks normalaryn buzbaýǵa jetkilikti negizderi bar ekenin atap ótti.
2024 jylǵy 14 jeltoqsanda Grýzııada alǵash ret tikeleı halyqtyq daýys berý arqyly emes, bıleýshi partııa usynǵan jalǵyz kandıdat, eks-fýtbolshy Mıhaıl Kavelashvılı prezıdent bolyp saılandy.
Salome Zýrabıshvılı bul saılaýdy zańsyz dep sanaıdy jáne onyń nátıjelerin moıyndamaıdy. Ol ádil parlamenttik saılaý ótkizilgenshe óz qyzmetinde qalýǵa ýáde berdi.
