قازاقستان ۇلتتىق فۋتبول قۇراماسىنىڭ باس باپكەرى ستانيسلاۆ چەرچەسوۆتىڭ داۋلى جاعدايى رەسەيلىك «مياچ Production» YouTube ارناسى ۇسىنعان 2024 جىلدىڭ فۋتبولداعى ەڭ ءساتسىز وقيعالارىنىڭ ۇزدىك وندىعىنىڭ توعىزىنشى ورنىنا يە بولدى، دەپ حابارلايدى "ادىرنا" ۇلتتىق پورتالى Offside.kz-كە سىلتەمە جاساپ.
ەستەرىڭىزگە سالا كەتەيىك، ۇلتتار ليگاسى اياسىندا سلوۆەنيامەن وتكەن ماچتان كەيىنگى ءباسپاسوز كونفەرەنتسياسىندا جۋرناليست ستانيسلاۆ چەرچەسوۆكە قازاق تىلىندە سۇراق قويعان ەدى. الايدا باس باپكەر «سەن قاي تىلدە سويلەپ تۇرسىڭ – فرانتسۋزشا ما؟» دەپ ازىلدەگەن سىڭاي تانىتتى.
بۇل پىكىر فۋتبول شەڭبەرىنەن اسىپ، ۇلكەن قوعامدىق رەزونانس تۋعىزدى. وقيعا الەۋمەتتىك جەلىلەردە، باق-تا جانە ءتىپتى قازاقستان پارلامەنتىنىڭ ماجىلىسىندە قىزۋ تالقىلاندى.
قازاقستان رەسپۋبليكاسىنا جۇمىس ىستەۋگە كەلگەندەر قازاق ءتىلىن قۇرمەتتەۋ كەرەكتىگى ايتىلىپ، باپكەرگە ايىپپۇل سالىندى.
