Memleket basshysy Qasym-Jomart Toqaev Qytaı Halyq Respýblıkasynyń Qazaqstandaǵy elshisi Chjan Sıaony qabyldady. Bul týraly búgin, 2 jeltoqsanda Aqordanyń baspasóz qyzmeti jazdy, dep habarlaıdy «Adyrna» tilshisi.
Áńgimelesý barysynda prezıdent Qazaqstan men Qytaıdy ǵasyrlarǵa ulasqan berik dostyq pen tatý kórshilik qatynastar baılanystyratynyn atap ótti. Qasym-Jomart Toqaevtyń pikirinshe, ózara senim men qurmetke negizdelgen tıimdi yntymaqtastyqtyń nyǵaıýyna eki tarap ta úles qosyp keledi.
Memleket basshysy búginde Qazaqstan men Qytaıdyń yqpaldastyǵy qarqyndy ári san qyrly sıpat alǵanyn aıtty. Eki el arasynda belsendi saıası dıalog qalyptasty, saýda-ekonomıkalyq áriptestik órkendedi, mádenı baılanystar jandandy jáne bilim berý baǵdarlamalary men ǵylymı jobalardyń sany artty. Qaýipsizdik salasynda, ásirese, «úsh zulym kúshke» qarsy kúres baǵytynda tyǵyz yntymaqtastyq ornaǵan. Budan bólek, elderimizdiń BUU, ShYU, AÓSShK aıasyndaǵy, sondaı-aq «Ortalyq Azııa – Qytaı» formatyndaǵy halyqaralyq baılanystary belsendi órbip keledi. Prezıdenttiń aıtýynsha, Qazaqstan men Qytaı tatý kórshilik qarym-qatynastyń naǵyz úlgisin kórsetip otyr.
Óz kezeginde Qytaı elshisi Chjan Sıao Qasym-Jomart Toqaevqa alǵys aıtyp, Beıjińniń jan-jaqty strategııalyq seriktestikti odan ári damytýǵa beıil ekenin rastady.
Memleket basshysy Chjan Sıaonyń qazaq-qytaı dostyǵyn tabysty damytýǵa, memleketaralyq baılanystardy tereńdetýge qosqan úlesin joǵary baǵalap, II dárejeli «Dostyq» ordenimen marapattady.
Aıta ketý kerek, Qazaqstanda Chjan Sıaonyń qyzmeti biryńǵaı maqtaýly bolǵan emes. 2020 jyly Qazaqstan Syrtqy ister mınıstrligi Qytaıdyń Qazaqstandaǵy elshisi Chjan Sıaony shaqyrtyp, qytaılyq www.sohu.com saıtyndaǵy «Qazaqstan nege Qytaıǵa oralýǵa tyrysady» atty maqalaǵa qatysty narazylyq bildirgen bolatyn.
«Qytaı elshisine mundaı sıpattaǵy maqalanyń jarııalanýy 2019 jylǵy 11 qyrkúıekte Memleket basshylary qol qoıǵan Qazaqstan Respýblıkasy men Qytaı Halyq Respýblıkasynyń birlesken málimdemesinde aıqyndalǵan máńgilik jan-jaqty strategııalyq áriptestik rýhyna sáıkes kelmeıtindigi atap ótildi»,- dep degen sonda Syrtqy ister mınıstrligi.
Bir eskeretini, Sıaonyń ózi daýly málimdemelerimen jáne jergilikti baspasóz ókilderine qarsy agressııasymen tanymal.
Chjan Sıao 1964 jyly jeltoqsanda Qytaıdyń Gýandýn provınııasyndaǵy Sınnın qalasynda dúnıege kelgen. 1987-1988 jyldar aralyǵynda Qytaı Halyq Respýblıkasy Syrtqy ister mınıstrligi hattama departamentiniń qyzmetkeri;
2014-2017 jj – Qytaıdyń Reseı Federaııasyndaǵy elshiliginiń ókili;
2001-2003 jj – Qytaıdyń Belarýs Respýblıkasyndaǵy elshiliginiń keńesshisi;
2017-2018 jj – Qytaı Halyq Respýblıkasy Syrtqy ister mınıstrliginiń Eýropa jáne Ortalyq Azııa departamentinde jumys isteıdi (departament dırektory deńgeıinde);
2018 jylǵy 31 tamyzdan bastap Qytaı Halyq Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi.
