Alakól aýdany, Úsharal qalasynda «Januıa» otbasyn qoldaý ortalyǵy ashylyp, paıdalanýǵa berildi.
Ortalyqtyń basty maqsaty otbasy ınstıtýtyn nyǵaıtý, túrli turmystyq jaǵdaılarǵa tap bolǵan januıalarǵa qoldaý kórsetý.
Jańadan boı kótergen ortalyqta 15 adamǵa arnalǵan jatyn oryn, balalar oıyn bólmesi, kir jýatyn oryn, ashana, tynyǵý bólmesi jáne qyzmetkerlerge arnalǵan májilis zaly, áleýmettik sala men psıholog mamandaryna arnalǵan jeke bólmeler jan-jaqty zamanaýı úlgide jabdyqtalǵan. Munda 19 maman turaqty jumys isteıdi. Aldaǵy ýaqytta, mekemege arnaıy qoǵamdyq kólik beriledi dep kútilýde. Jańa mekeme tolyqtaı memleketten qarjylandyrady.
Mekemede atqarylar jumystardyń barlyǵy otbasylarǵa keshendi konsýltaııalyq qyzmetter jáne januıa ınstıtýtyn nyǵaıtýǵa yqpal etedi. Ana men bala quqyǵyn qorǵap, otbasylyq zorlyq-zombylyqty aldyn-alý aıasynda turmystyq túrli jaǵdaılarǵa tap bolǵan januıalar mekemege 1 aı men 6 aı kóleminde ornalasyp, áleýmettik-turmystyq sıpattaǵy máselelerin sheship, psıhologııalyq, medıınalyq, quqyqtyq, áleýmettik kómek, jumysqa ornalastyrý, beıimdeý jáne ońaltý qyzmetteri kórsetiledi.
Tipti, qyzmet alýshylarǵa AEK-ge ótinim berý, baspana kezegine turý jáne medıınalyq kómek alý boıynsha keńes alý úshin arnaıy «Egov» ózine-ózi qyzmet kórsetý jáne «E-ótinish» aqparattyq júıesi buryshtary ornalastyrylǵan.
Búginde, ómirlik qıyn jaǵdaıǵa tap bolǵan adamdardy erte anyqtaý men qoldaýdy uıymdastyrý úshin aýdan boıynsha mobıldi top qurylyp, óz jumysyn bastap ta ketti. Mobıldi top quramynda qala, aýyldyq okrýg ákimderi, áleýmettik máseleler jónindegi qyzmetkerler, bilim berý men densaýlyq saqtaý salalary jáne ishki ister organdarynyń ókilderi qamtyldy. Bul iste barlyq sala mamandary birlesip jumys isteıdi.
